Nicolas Sarkozy is pas \u2018n vernederende nederlaag toegedien. Hy het tydens die afgelope plaaslike verkiesings in Frankryk die slegste uitslag vir sy party in meer as \u2018n half-eeu behaal.<\/p>\n
Die UMP kon net 36% van die stemme trek, terwyl die Sosialiste 54% op nasionale vlak gekry het.<\/p>\n
Di\u00e9 plaaslike verkiesingsuitslag is die finale groot toets vir Sarkozy en die middelregse UMP-party voor 2012 se presidensi\u00eble verkiesings.<\/p>\n
Slegs in een van Frankryk se 22 hoofstreke kon die UMP wen.<\/p>\n
Francois Fillon, Franse premier, sal vandag met Sarkozy vergader om die swaar verliese wat hulle gelei het, te bespreek. Alhoewel daar nie verwag word dat Fillon sal bedank nie, sal sekere ministers in die pad gesteek word.<\/p>\n
‘n Sukkelende ekonomie, groeiende werkloosheid en dikwels onsamehangende beleidsformulerings het volgens Fillon die beroerde uitslag bepaal.<\/p>\n
‘n Groot verrassing was die vertoon van die verregse Front National wat met mening ten koste van die UMP terug is. Hulle het nasionaal 9,4% behaal maar in kernstreke meer as 22%.<\/p>\n
Nadat Sarkozy president geword het op die rug van ‘n verkiesingsveldtog wat baie by die FN geleen het, het kommentators die party van Jean-Marie Le Pen afgeskryf.<\/p>\n
Martine Aubry was nie openlik triomfantelik oor haar party se goeie vertoning nie, maar haar posisie as leier van die Sosialistiese Party is na dese aansienlik gesterk.<\/p>\n