Twee hutte is die naweek in Clermont in Durban afgebrand tydens betogings deur ANC-ondersteuners, het polisie van KwaZulu-Natal Maandag ges\u00ea.<\/p>\n
\u201cNiemand is beseer nie en ons weet nie aan wie die hutte behoort het nie,\u201d het supt. Vincent Mdunge ges\u00ea te midde van gerugte dat dit aan lede van Cope behoort het.<\/p>\n
Die polisie kon Sondag nog nie die voorval bevestig nie.<\/p>\n
Polisielede het met rubberkoe\u00ebls op ANC-betogers losgetrek nadat hulle onwettig byeengekom het. Die skare het daarna die polisie met klippe bestook.<\/p>\n
\u201cSowat 600 ANC-lede het slagspreuke geskree in Clermont en Cope-lede het dit as ‘n soort bedreiging ervaar en die polisie genader om in te tree,\u201d het Mdunge ges\u00ea.<\/p>\n
\u201cDit was \u2018n onwettige betoging en daar is gepoog om die massa mense uiteen te jaag, maar daar was geen samewerking nie.\u201d<\/p>\n
Die openbare orde-polisi\u00ebringseenheid is ingeroep en daar is herhaaldelik probeer om die groep te verdeel, maar betogers het die polisie ge\u00efgnoreer.<\/p>\n
\u201cRubberkoe\u00ebls is gebruik en gevolglik het hulle begin om die polisie met klippe te gooi. Hulle het mettertyd begin uiteengaan en geen beserings is aangemeld nie.\u201d<\/p>\n
Cope het in \u2018n verklaring ges\u00ea dat betogers huise en winkels wat aan hulle lede behoort aan die brand gesteek het.<\/p>\n
Daar word verneem dat die probleem ontstaan het nadat Cope beplan het om \u2018n tak in die gebied oop te maak.<\/p>\n
Volgens Mdunge was die omgewing Maandag stil voor \u2018n vergadering tussen die ANC, Cope, die gemeenskap-polisieforum en plaaslike polisie.<\/p>\n
\u00a0<\/p>\n