Drie gewapende rowers het Donderdag op \u2019n departementshoof se kantoor toegeslaan by die Universiteit van die Vrystaat.<\/p>\n
Die gewapende rowers het die hoof van die departement dierkunde en entomologie, prof. Jo van As, \u2019n meestersgraadstudent en \u2019n tegniese assistent oorrompel.<\/p>\n
Twee van die drie rowers het glo reeds Woensdagmiddag in die gebou rondgedwaal en gemaak of hulle studente is.<\/p>\n
Van As het hulle onmiddellik herken. Toe hy probeer weerstand bied, is ‘n vuurwapen teen sy kop gedruk met die woorde “don\u2019t try to be a hero, Prof”.<\/p>\n
Die rowers het duidelik Woensdag kom ondersoek instel by die departement.<\/p>\n
‘n Ontstelde vader wie se seun aan die departement verbonde is, het Praag Donderdag direk na die aanval gekontak. Hy wou weet of dit Jonathan Jansen, die rektor, se planne vir transformasie van die universiteit is.<\/p>\n
Selfone, beursies en rekenaars is gebuit en die drie het vermoedelik met \u2019n grys Isuzu-dubbelkajuitbakkie wat vroe\u00ebr die dag op die kampus gesteel is, gevlug.<\/p>\n
Die bakkie se registrasienommer is DNS 546 FS.<\/p>\n