Enkele uittreksels uit dr. Pieter Mulder, adjunkminister van Landbou, Bosbou en Visserye en VF Plus-leier, se toespraak by die Malmesbury-Landbouvereniging, Dinsdagaand, 16 Maart 2010.<\/p>\n
Koringtarief<\/p>\n
\u201cRegerings in ontwikkelde lande soos Amerika en in Europa betaal groot subsidies aan hulle koringboere. Dit maak vrye handel, soos die W\u00eareld Handelsorganisasie dit voorstaan, onmoontlik. Daarom ondersteun ek \u2018n verhoging van die koringtarief ten einde Suid-Afrikaanse boere teen onbillike mededinging uit die buiteland te beskerm. Volgens my inligting is alle voorleggings aan ITAC by die Departement van Handel en Nywerheid voltooi en wag ons vir die betrokke minister om \u2018n besluit oor die saak te neem. Dit is belangrik dat so \u2018n besluit so gou as moontlik geneem word ten einde dit vir koringboere moontlik te maak om te besluit of hulle wil voortgaan om koring vir die nuwe seisoen te plant of nie.\u201d<\/p>\n
Stellenbosch en Afrikaans<\/p>\n
Voedselsekerheid is tans \u2018n prioriteit by internasionale organisasies soos die G20 asook by die regering in Suid-Afrika. Die uitdaging is om tot 50% meer voedsel op dieselfde grond te produseer teen 2030.<\/p>\n
Dit kan slegs gedoen word met meer navorsing en meer opleiding. As Suid-Afrika akademies op landbou-terrein agter raak, sal ons dit baie moeilik weer kan inhaal.<\/p>\n
In hierdie verband is landboudepartemente aan Suid-Afrikaanse Universiteite belangrik. Omdat die meerderheid van Suid-Afrikaanse kommersi\u00eble landbouers en die grootste hoeveelheid plaaswerkers in die Wes-Kaap Afrikaanssprekend is, is dit belangrik dat \u2018n Universiteit soos Stellenbosch steeds in Afrikaans moet doseer. Hierdie is nie \u2018n politieke argument nie, maar \u2018n bemagtigings- en opvoedkundige argument.<\/p>\n
Suid-Afrika het tans 23 Universiteite met 36 kampusse. Dit is \u2018n noodsaaklikheid vir die groot Afrikaanssprekende gemeenskap in Suid-Afrika dat ten minste twee of drie van hierdie kampusse steeds in Afrikaans sal doseer. Met die Wes-Kaapse bevolking 60% Afrikaanssprekend, behoort daar geen argument te wees waarom Stellenbosch Universiteit onder druk moet kom, omdat die Universiteit steeds in Afrikaans wil doseer nie.<\/p>\n
Landbougrond<\/p>\n
Volgens media-verslae is een van die opsies wat die ANC vir die groenskrif op grondhervorming oorweeg, \u2019n voorstel dat alle landbougrond voortaan aan die staat behoort en bestaande eienaars se eiendomsreg in \u2019n erfpagstelsel omskep word.<\/p>\n
Daar kan geen twyfel wees dat as alle produktiewe grond in Suid-Afrika op hierdie wyse in \u2019n nasionale bate omskep word, dit die nasionalisering van grond beteken nie.<\/p>\n
As so \u2019n voorstel regeringsbeleid sou word, sal dit teen die grondwet wees, sal dit alle beleggers in Suid-Afrika permanent afskrik en sal dit groot onsekerheid op die platteland veroorsaak wat weer voedselsekerheid sal vernietig.<\/p>\n
Wat s\u00ea die regering?<\/p>\n
Die ontwikkeling van die platteland is tans een van die prioriteite van die ANC.<\/p>\n
Onsekerheid is die belangrikste rede waarom kommersi\u00eble boere in die platteland nie tans hulle boerderye uitbrei of meer werksgeleenthede skep nie.\u00a0 As \u2019n sogenaamde gronderfpagstelsel regeringsbeleid word, sal dit totale onsekerheid oor grond op die platteland skep. Enige regeringsamptenaar wat dink dat die ontwikkeling van die platteland moontlik is sonder die samewerking van die kommersi\u00eble boere, ontken die werklikhede van Suid-Afrika.<\/p>\n
In belang van Suid-Afrika en van landbou sal hierdie voorstel met alle moontlike middele en deur alle belanghebbendes beveg moet word.<\/p>\n