In Desember 2009 kuier ons dogter Betsie by ons uit Kaapstad.\u00a0 Dis Saterdagmiddag en ons ander dogter wat in Moreletapark woon, kom kuier ook, saam met haar dogtertjie, Lynette, ons enigste kleinkind Toe Lynette se Mamma iets met Ouma wil bespreek, neem Oupa en tannie Betsie vir klein Lynette (2 jaar oud) op die stoot-fietsie om in die park op die hoek te gaan speel.<\/p>\n
Toe ons by die park se hek aankom, gaan Oupa in sy spore staan: Die hele park is vol swart kindertjies.\u00a0 Oupa voel verswelg en toe hy wou omdraai, spring klein Lynette van die fietsie af en roep uit:<\/p>\n
“Jippie! Maatjies!!!”\u00a0 Sy hardloop die kindertjies tegemoed. Hulle voel haar vriendelikheid aan en kom gee haar ‘n handjie.\u00a0 Speel saam met haar liefdevol en mededeelsaam op die afglyer en die swaaie en op die hobbelperdjie.\u00a0 Oupa en tannie Betsie geniet ‘n volle uur van onbevange kinderspel sonder enige rasse-vooroordeel en besef dat klein Lynette vir ons ‘n waardevolle les geleer het!<\/p>\n
Volgende keer sal ons nie weer “verswelg” voel en daaraan dink om by die hek om te draai nie. Die skille van rasse-vooroordeel het van ons o\u00eb afgeval! Dankie liewe Lynette!\u00a0 Jy het ons laat besef dat ook jy nog ‘n mooi toekoms in hierdie land het!\u00a0 Liefde is sterker as haat!\u00a0 As ons almal met mekaar praat, kom begrip en wedersydse aanvaarding, en dan is daar vir ons almal ‘n plekkie in die Son hier in ons wonderlike Suid-Afrika!<\/p>\n
Veels geluk met PRAAG se eerste 10 jaar!<\/p>\n
\u00a0<\/p>\n