Die Christen-Demokratiese Alliansie (CDA) het sy skok en afgryse oor die reeks van vyf plaasmoorde in Februarie in Limpopo uitgespreek, wat nou ook die barbaarse wrede moord op \u2018n Belgiese burger, Etienne Cannaerts, ingesluit het. Cannaerts is vasgebind en keelaf gesny.<\/p>\n
\u201cOns harte gaan uit na die naasbestaandes van al die slagoffers, en ook aan die regering en mense van Belgi\u00eb,\u201d s\u00ea ds. Theunis Botha, leier van die Christen-Demokratiese Party (CDP) en waarnemende voorsitter van die CDA.<\/p>\n
\u201cOns neem met kommer kennis dat die SANW met verminderde mannekrag op 1 April die grensbeveiliging by die SAPD oorneem, en dat sommige grense soos di\u00e9 van Lesotho en Botswana eers oor \u2018n paar jaar aan die beurt kom. Dit stuur \u2018n heeltemal gebrekkige boodskap van die land se erns om sy burgers te beskerm uit, omdat baie plaasmoorde deur burgers van buurlande gepleeg word wat onwettig in die land is. Daarbenewens loop Vrystaatse boere nie net onder plaasmoorde deur nie, maar ander misdaad soos vee- en weidingdiefstal.<\/p>\n
\u201cOns herinner dat die swart strikkie in ons mashoof vir nuusverklarings oor misdaad, ons meegevoel en gebede met alle misdaadslagoffers in Suid-Afrika en hul naasbestaandes verteenwoordig.\u201d<\/p>\n