\u2018n Skildery wat herontdek is en wat glo deur Vincent Van Gogh geskilder is, word tans in \u2018n museum in Nederland tentoongestel.<\/p>\n
Deskundiges glo dat Le Blute-fin <\/em>meul, \u2018n kleurvolle skildery van mense by \u2018n windmeul in Parys, in 1886 deur die Nederlandse kunstenaar geskilder is.<\/p>\n Ralph Keuning, direkteur van die Museum de Fundatie in Zwolle waar die kunswerk nou te siene is, het die skildery in 2007 herontdek en dit is later as \u2018n egte Van Gogh-skildery verklaar.<\/p>\n Dirk Hannema, \u2018n eksentrieke kunsversamelaar, het graag gespog dat hy sewe Vermeers, etlike van Goghs en ‘n paar Rembrandts in sy versameling het.<\/p>\n Hy was ten minste, 25 jaar na sy dood, reg oor die van Gogh. Die veramelaar het die skildery in 1975 van ‘n antieke handelaar in Parys gekoop wat nie veel waarde aan die werk geheg het nie. Hannema het egter geglo dit is die ware jakob en die skildery dadelik vir sestien keer die koopprys laat verseker.<\/p>\n Louis van Tilborgh, kurator van navorsing by die Van Gogh Museum in Amsterdam, s\u00ea die skildery is ongewoon vir die 19de eeuse impressionis omdat die figure groot in die landskap vertoon. Dit beeld die toneel van Parysenaars wat die houttrappe van die meul in die Montmartre-distrik klim, uit.<\/p>\n In ander opsigte is dit ‘n tipiese van Gogh met helder kleure wat dik op die doek aangewend is. Die skilderdoek bevat ‘n waarmerk van die winkel wat die kunstenaar dikwels besoek het, asook pigmente in die verf wat hy in ander werke aangewend het.<\/p>\n