\u201cStille diplomasie jeens Robert Mugabe se grondroof en versuim om die bre\u00eb publiek in te lig oor die armoedegevolge van die uitdeel van onlewensvatbare lappies grond in \u2018n marginale landbouland, eerder as grondpryse moet die skuld kry vir die regering se dilemma met grondhervorming.<\/p>\n
\u201cTerwyl die regering steeds volhou met sy stelling dat hy lewensvatbare kleinboere wil vestig, verstrengel probleme binne die Departement van Grondsake die grondhervormingsproses en word die blaam steeds, te midde van talle bewyse tot die teendeel, op boere geplaas,\u201d aldus ds. Theunis Botha. Leier van die Christen-Demokratiese Party (CDP) en waarnemende voorsitter van die Christen-Demokratise Alliansie (CDA).<\/p>\n
Botha het gereageer op \u2018n stelling van die minister van landelike ontwikkeling en grondhervorming, Gugile Nkwinti, dat die regering nie die beginsel van vrywillige verkoper, vrywillige koper, kan bekostig nie.<\/p>\n
\u201cBoonop verplig die Suid-Afrikaanse grondwet die land om internasionale ooreenkomste te respekteer. Ook die Afrika-Kommissie vir Mense- en Groepregte erken eiendomsreg en dat die billike kompensasie by onteiening betaal moet word.<\/p>\n
\u201cOns stel voor dat die regering eers \u2018n behoorlik grondoudit hou, omdat verskeie gesaghebbende studies toon dat die 30 % teiken van swart besit lank reeds bereik is. Die regering se weiering om so \u2018n oudit te hou lyk toenemend verdag.\u201d<\/p>\n