Dit was \u201cbaie, baie stil\u201d in die Siyathembalokasie in Balfour Woensdagoggend na geweldadige betogings wat vroe\u00ebr in die week daar plaasgevind het, het polisie in Mpumalanga ges\u00ea.<\/p>\n
Die inwoners het begin kalmeer teen 22:00 Dinsdagaand, het sers. Sam Tshabalala, polisiewoordvoerder, ges\u00ea.<\/p>\n
\u201cDit is rustig in die lokasie en ons het lede wat die situasie monitor,\u201d het Tshabalala ges\u00ea.<\/p>\n
Die polisie het 12 Suid-Afrikaners, mans en vroue, Dinsdagaand vir openbare geweld in hegtenis geneem.<\/p>\n
\u201cVan hulle sal ook verbind word met klagtes van opsetlike skade wat aan staatseiendom aangerig is, nadat hulle skade aan \u2018n polisievoertuig aangerig het,\u201d het Tshabalala ges\u00ea.<\/p>\n
\u2018n Buitelander is ook in hegtenis geneem vir aanranding.<\/p>\n
\u201cDaar word beweer dat hy en \u2018n groep buitelanders lede van die publiek aangeval het, maar daar moet nog vasgestel word of dit met die geweld verband hou.\u201d<\/p>\n
Volgens Tshabalala was daar geen klagtes van beserings gedurende die aand nie.<\/p>\n
Twee-en-twintig mense sal na verwagting Woensdag in die landdroshof in Balfour op aanklagte van openbare geweld verskyn.<\/p>\n