Oudpresident Nelson Mandela se vrylating van 20 jaar gelede word vandag herdenk by die gevangenis waar hy destyds as ‘n vry man uitgestap het nadat hy 27 jaar opgesluit was vir hoogverraad.<\/p>\n
Die naam van die Victor Verster-gevangenis is intussen na die Drakenstein-gevangenis verander. Dit is Woensdag tot nasionale erfenisgebied verklaar.<\/p>\n
Mandela sal nie di\u00e9 verrigtinge bywoon nie, maar sal wel teenwoordig wees gedurende die staatsrede van president Zuma Donderdagaand.<\/p>\n
Oudpres. F.W. de Klerk, wat erg deurloop onder kritiek van sowel die ANC as Afrikaners vir sy aandeel in die vrylating, het nietemin die dag as ‘n spesiale gebeurtenis uitgesonder.<\/p>\n
De Klerk het by monde van \u2019n verklaring ges\u00ea die gebeure van Februarie 1990 was \u2019n oorwinning vir alle Suid-Afrikaners.<\/p>\n
\u201cWanneer ons die vrylating van Nelson Mandela vandag vier, moet ons dit met die wete doen dat ons nuwe grondwetlike demokrasie die skepping van al ons mense en al ons gemeenskappe is.<\/p>\n
\u201cOns moet die dag vier deur onsself opnuut te verbind tot die doel van nasionale versoening \u2013 oudpresident Mandela se grootste nalatenskap aan ons mense.\u201d<\/p>\n