Die omstrede naamsveranderingsproses van Louis Trichardt na Makhado sal weer van vooraf begin, het die Geografiesenaamraad Donderdag ges\u00ea.<\/p>\n
\u201cOns het vandag aansoeke ontvang waarna ons sal kyk. Ons sal dit ook aan die minister van kuns en kultuur voorl\u00ea,\u201d het Tommy Ntsewa, voorsitter van die raad, ges\u00ea.<\/p>\n
Louis Trichardt se naam is in 2002 na Makhado verander, maar in 2005 het die hooggeregshof besluit dat dit weer terug moet verander omdat die regte prosesse nie gevolg is nie.<\/p>\n
\u201cDie hof het besluit dat die regte stappe nie gevolg is toe die proses die eerste keer plaasgevind het nie. Vandag het ons nuwe aansoeke. Ons sal dit nagaan om te verseker dat konsultasie plaasgevind het,\u201d het Ntsewa ges\u00ea.<\/p>\n
Hy het ook ges\u00ea dat die naam van die nuwe lughawe in La Mercy naby Durban bespreek sal word. Die regering het voorgestel dat die lughawe King Shaka-lughawe heet.<\/p>\n
\u201cOns het min tyd oor om te besluit op \u2018n naam vir die nuwe lughawe. As die kwessie nie opgelos word nie sal dit bekendstaan as X-lughawe,\u201d het Ntsewa ges\u00ea.<\/p>\n
\u00a0<\/p>\n