Die kantoor van die ANC-hoofsweep het Donderdag ges\u00ea hulle sal die voorgestelde wetgewing op presidensi\u00eble kwytskelding, wat deur die Demokratiese Alliansie voorgestel is, “verwerp”<\/p>\n
Die DA het die wetsontwerp Woensdag ingedien nadat die presidensie bevestig het dat ‘n versoek om kwytskelding van Schabir Shaik ontvang is.<\/p>\n
Shaik is president Jacob Zuma se voormalige finansi\u00eble raadgewer, en is in 2005 skuldig bevind op aanklagte van bedrog en korrupsie.<\/p>\n
“Die wetsontwerp van die Demokratiese Alliansie het geen wetlike of feitelike basis nie, en grens aan ‘n voorgestelde hersiening van die Grondwet,” het ‘n vrystelling van die ANC-hoofsweep se kantoor Donderdag ges\u00ea.<\/p>\n
“Die voorstel is dus \u00f3f ‘n produk van powere regsadvies, \u00f3f die werk van ‘n onkundige, publisiteitshonger parlementslid.”<\/p>\n
Die wetsontwerp stel onder andere voor dat strenger maatre\u00ebls ingestel behoort te word om die redelike toekenning van presidensi\u00eble kwytskeldings te verseker.<\/p>\n
Pierre de Vos, ‘n kenner in Grondwetlike Reg, s\u00ea di\u00e9 kwytskeldings is volgens die huidige Grondwet slegs onderhewig aan die prerogatiewe mag van die president, en is slegs beperk deur die bepaling dat dit in goedertrou toegeken sal word.<\/p>\n
\u00a0<\/p>\n