Die jongste peiling onder Nederlanders toon dat die persentasie wat die Navo-operasie in Afganistan steun, effens toegeneem het. Altesaam 37 persent steun nou die milit\u00eare ekskursie teenoor 33 persent in 2008.<\/p>\n
Onlangs is nog berig dat die Nederlandse kabinet erg verdeeld is oor Navo se versoek om meer troepe beskikbaar te stel. Navo het \u2018n bykomende 7 000 troepe uit 25 lande (nie almal Navo-lede nie) vir pres. Barack Obama se uitbreidingsplanne van 30 000 troepe beloof.<\/p>\n
Associated News Press, wat oor die jongste peiling berig, noem nie hoekom gemeen word dat ietwat meer Nederlanders nou die Afgaanse uitstappie steun nie. Sommige bronne meen dat dit verband hou met die feit dat die vorige meningspeiling in die bewindstyd van pres. George W. Bush gedoen is, en die jongste terwyl die afname in pres. Obama se gewildheid in die VSA nog nie na Europese lande waar sy gewildheid hoogty vier, deurgewerk het nie.<\/p>\n
Die peiling toon wel dat hoewel sowat 60 persent Nederlanders teen die oorlogspoging in Afganistan is, is ongeveer net soveel ten gunste van Navo-operasies buite Europa in die algemeen.<\/p>\n
\u00a0<\/p>\n