Nathi Mthethwa, minister van polisie, het Maandag op \u2019n perskonferensie \u2019n nuwe amnestiedatum vir die inhandiging van vuurwapens aangekondig.<\/p>\n
Die amnestiedatum verstryk nou op 11 April, nadat die hooggeregshof in Pretoria verlede jaar beslis het dat sekere bepalings in die nuwe Wet op Vuurwapenbeheer, ongrondwetlik is.<\/p>\n
Die Suid-Afrikaanse Jagters-en-Wildbewaringsvereniging (SAJWV) het die aansoek gebring. Die aansoek sal op 29 Maart gehoor word.<\/p>\n
Mthethwa het gewaarsku dat die “poppe gaan dans” indien mense nie hulle wapens herlisensieer nie.<\/p>\n
Hy het ges\u00ea die ideaal is uiteindelik \u2019n wapenvrye Suid-Afrika. Diegene wat tot 20 wettige wapens besit, besit te veel wapens, het die minister gewaarsku.<\/p>\n
Talle wapens wat in rooftogte gebruik word, is glo by wettige vuurwapeneienaars gesteel, volgens Mthethwa. Hy het nie kommentaar gelewer op die wapens wat uit polisiestore verdwyn nie.<\/p>\n
Vyf jaar gelede, met die vorige amnestie, was dit hoofsaaklik wapeneienaars met wettige lisensies wat hulle wapens ingehandig het.<\/p>\n
Al die vuurwapens wat ingehandig word, sal glo eers forensies ondersoek word om te bepaal of hulle vir misdaad gebruik is en daarna vernietig word.<\/p>\n