Pas het nog twee Christenkerke in Maleisi\u00eb onder brandbomme deurgeloop en nog een met swart verf betakel, as deel van \u2018n vlaag geweld in di\u00e9 Moslemland sedert die Maleisiese hoogste hof op 31 Desember verlede jaar beslis het nie-Moslems mag ook die woord Allah gebruik wanneer hulle tot God bid.<\/p>\n
Allah is die Arabiese woord vir \u201cgod\u201d en daarom gebruik die Maltese, Rooms-Katolieke wat \u2018n taal verwant aan Arabies praat, ook die term.<\/p>\n
Dit word egter ook deur Christene in talle ander lande gebruik, hoofsaaklik Arabiese lande, maar ook in Indonesi\u00eb.<\/p>\n
In Maleisi\u00eb gebruik Christene (sowat 9 persent van die bevolking) wat hul godsdiens in tale soos Engels, Tamil en Chinees aanbid, nie die term \u201cAllah\u201d nie, en die gebruik is hoofsaaklik tot die sprekers van afgele\u00eb landelike tale beperk. Die hofaansoek om die gebruik goed te keur, is deur die Rooms-Katolieke kerk in Maleisi\u00eb gebring, wat die woord in \u2018n Maleisiese publikasie gebruik.<\/p>\n
Moslems wat oor die hofbeslissing ongelukkig is \u2013 die regering het daarteen app\u00e8l aangeteken \u2013 meen die gebruik van die term \u201cAllah\u201d in die Christelike godsdiens kan verwarring veroorsaak en mense mislei om hulle tot die Christendom te bekeer.<\/p>\n
Regeringsleiers het die aanvalle veroordeel, en \u2018n bedrag van amper \u2018n R1 miljoen staatsfondse is bewillig om een van die kerke te herbou.<\/p>\n
\u00a0<\/p>\n