Die padsterftesyfers vir Desember 2009 is glo heeltemal verkeerd en is dalk baie meer as in 2008, beweer \u2018n kenner.<\/p>\n
Volgens Rob Handfield-Jones, die besturende direkteur van driving.co.za, is die departement van verkeer se bewerings nie korrek nie.<\/p>\n
Die departement het verlede week bekendgemaak dat sowat 1050 mense sedert 1 Desember tot 31 Desember 2009 op die paaie gesterf het.<\/p>\n
\u201cTydens dieselfde tydperk in 2008 het sowat 1348 mense op die land se paaie gesterf,\u201d is in \u2018n persverklaring ges\u00ea.<\/p>\n
Maar volgens Handfield-Jones het daar slegs 908 mense in 2008 op die paaie gesterf. \u201cDaar was minder sterftes in 2008 as in 2009. Dus het die padsterftesyfer die afgelope feesseisoen met sowat 16% gestyg.<\/p>\n
\u201cSpoedbeheer gaan nie die probleem oplos nie. Suid-Afrika benodig \u2018n nuwe stelsel waarvolgens lisensies uitgereik word. Die huidige stelsel werk nie en het tot gevolg dat swak bestuurders op die paaie rondry,\u201d het Handfield-Jones ges\u00ea.<\/p>\n
Logan Maistry, woordvoerder vir die departement van vervoer, is egter steeds van mening dat die padsterftesyfers beslis afgeneem het in vergelyking met die vorige jaar.<\/p>\n
\u201cDie syfers wat bekendgemaak is, is nog nie finaal nie. Die minister van vervoer, Sbu Ndebele, sal dit eers later hierdie maand uitreik,\u201d het Maistry ges\u00ea.<\/p>\n
Volgens hom het die regering geen rede om die syfers te dokter nie. \u201cOns doel is om lewens te red.\u201d<\/p>\n
\u00a0<\/p>\n