\u2018n Kaliforniese wetgewer het gister planne geskrap om \u2018n kongresmedalje aan Tiger Woods toe te ken, vanwe\u00eb die rits beweerde buite-egtelike verhoudings wat die w\u00eareld se voorste gholfspeler konfronteer.<\/p>\n
\u201cIn die lig van onlangse ontwikkelinge rondom Tiger Woods en sy gesin, sal ek nie wetgewing voortsit om die Kongres se Goue Medalje in hierdie sessie aan hom toe te ken nie,\u201d het Joe Baca in \u2018n verklaring ges\u00ea.<\/p>\n
Die Demokratiese verteenwoordiger het wetgewing in Maart ingedien om Woods te vereer met die prestigeryk toekenning \u201cvir diens aan die nasie in die bevordering van uitnemendheid en goeie sportmansgees, en in die afbreek van versperrings met grasie en waardigheid, deur te wys dat gholf \u2018n spel vir alle mense is.\u201d<\/p>\n
Die Kongres se Goue Medalje en die Presidensi\u00eble Medalje van Vryheid is die hoogste burgerlike eerbewyse beskikbaar in die Verenigde State.<\/p>\n
Woods se ondersteuning deur bewonderaars, borge en nou wetgewers het weggeval sedert hy gewikkel was in \u2018n skandaal wat losgebars het na \u2018n motorongeluk buite sy huis op die 27ste November.<\/p>\n
Die eenmotorongeluk het \u2018n ketting gebeure ontketen wat tot dusver ten minste 11 vroue daartoe gelei het om te beweer dat hulle verhoudings gehad het met die 33-jarige, wat 14 majeure gewen het en by verre die w\u00eareld se nommer een gholfspeler is.<\/p>\n
\u00a0<\/p>\n