Pres. Robert Mugabe se party het besluit dat hy as leier van di\u00e9 party sal aanbly vir ten minste die volgende vyf jaar, het amptenare Dinsdag ges\u00ea.<\/p>\n
Die Politburo van die party, vanjaar 46 jaar oud, het die besluit Maandag, net voor sy vyf-jaarlikse kongres wat later hierdie week sal plaasvind, geneem.<\/p>\n
Di\u00e9 liggaam het Mugabe (85) as enigste kandidaat vir die president van die party benoem.<\/p>\n
Volgens kenners is dit hoogs onwaarskynlik dat enige veranderinge aangebring sal word wanneer die kongres se 5 000 afgevaardigdes Donderdag vergader.<\/p>\n
Mugabe is die afgelope 35 jaar in beheer van Zanu-PF en is sedert Zimbabwe \u00a0in 1980 onafhanklik geword het die staatshoof.<\/p>\n
\u2018n Persoonlikheidskultus het binne die party rondom hom vorm aangeneem en sommige amptenare verwys na Mugabe as \u201cdie tweede seun van god\u201d of die \u201callerhoogste leier\u201d.<\/p>\n
Sy alleenbeheer oor Zimbabwe het in Februarie vanjaar tot \u2018n einde gekom toe hy gedwing is om \u2018n koalisieregering met sy groot vyand, Morgan Tsvangirai, te aanvaar.<\/p>\n
“Ons het die benoeming vir die party se top vier posisies oorweeg en ondersteun pres. Mugabe as die party se leier en eerste sekretaris,\u201d het Ephraim Masawi, \u2018n woordvoerder, ges\u00ea.<\/p>\n
Adjunk-president Joice Mujuru (54), wie se man, die oudweermagkommandeur Solomon as die magtigste persoon binne die party naas Mugabe gesien word, het bevestig dat haar pos ook behoue sal bly.<\/p>\n
Die voormalige voorsitter van die party, John Nkomo, sal die tweede adjunk-president, Joseph Msika wat in Augustus vanjaar dood is, vervang. Simon Moyo (64), ambassadeur in Suid-Afrika sal intree as voorsitter van die party.<\/p>\n
Kenners meen dat die o\u00ebnskynlike vreedsame verkiesingsproses \u2018n plofbare magstryd versluier wat met Mugabese aftrede of uittrede na vore sal kom.<\/p>\n
\u00a0<\/p>\n