Om mense, veral politici, in Nederland per e-pos of op hul webwerwe met haatpos te dreig, is nie nuut nie, maar toe vyf jongelinge op een dag in Den Haag in die hof beland het oor verskillende politici wat onafhanklik van mekaar gedreig is, is die streep getrek.<\/p>\n
Nicolaas V se saak trek die meeste aandag, aangesien sy slagoffer die gewilde, omstrede politikus Geert Wilders is. Nicolaas het glo vir Wilders die volgende bewoording gestuur: \u201cF&^% idioot jij gaat bnnenkort dood.\u201d Wilders is egter nie die enigste wat per e-pos minder as die beste toegewens word nie.<\/p>\n
Volgens \u2018n waarnemer het di\u00e9 soort e-pos sedert 2005 begin toeneem, en veral sedert Pim Fortuyn en Theo van Gogh vermoor is, word dit baie ernstig opgeneem. Ook op plaaslike regeringsvlak word dit \u2018n probleem met twee derdes van die burgemeesters en raadslede wat al gedreig is.<\/p>\n
Die polisie in Den Haag het nou selfs \u2018n spesiale eenheid, Team Bedreigde Politic<\/em>i<\/em>. Verlede jaar is 424 gevalle aangemeld, waarvan Wilders in 292 gevalle die slagoffer was.<\/p>\n Nou, met die vyftal, wil die Openbare Ministerie die streep trek. Die woordvoerder, Nicolette Stoel, s\u00ea dat die ministerie hierdie soort bedreigings nie sal duld nie.<\/p>\n In die verlede was vonnisse baie uiteenlopend. In 2007 is \u2018n vrou wat Wilders met \u2018n e-pos verwilderd probeer laat het, \u2018n jaar tronk toe gestuur. \u2018n Man wat \u2018n paar soortgelyke e-posse aan die Amesterdamse burgemeester, Job Cohen gestuur het, is egter net met 500 Euro\u2019s beboet.<\/p>\n \u00a0<\/p>\n