\u2018n Amerikaanse federale grootjurie in Pennsylvani\u00eb het gister vier mans formeel vir \u2018n beweerde komplot om die Libanese terroristegroep, Hezbollah, deur onwettige planne van meer as \u2018n duisend masjiengewere te voorsien.<\/p>\n
Die klag kom net \u2018n dag nadat ander amptenare in Philadelphia ges\u00ea het dat hulle \u2018n soortgelyke komplot om lugafweermissiele te bekom en na Siri\u00eb te stuur, gefnuik het, hoewel owerhede in di\u00e9 saak nog nie sover gegaan het om enige iemand daarvan te beskuldig dat hulle \u2018n spesifieke terreurgroep probeer help het nie. Hezbollah, \u2018n Sji\u00eftiese organisasie in Libanon is op die VSA se lys van terreurorganisasies.<\/p>\n
Die aanklag wat gister aanhangig gemaak is beweer dat die twee verdagtes probeer het om ongeveer 1,200 Colt M4 masjiengewere aan Hezbollah te verskaf, maar hulle pogings is deur \u2018n operateur onder die dekmantel gefnuik. Die samesweerders het na bewering gepoog om die wapens in Philadelphia te koop en na \u2018n hawe in Siri\u00eb te verskeep vanwaar hulle uiteindelik met \u2018n ompad na Hezbollah sou gaan.<\/p>\n
Die aanklag is ook teen agt ander persone vir minder ernstige misdrywe wat verband hou met die vervoer van gesteelde of vervalsde goedere.<\/p>\n
Die owerhede s\u00ea daar is altesaam 13 verdagtes in aanhouding en 11 word nog gesoek.<\/p>\n
Hezbollah wat in 1982 gestig is, het berugtheid in die Weste verwerf toe dit verbind was met die ontvoering van Westerse gyselaars en \u2018n reeks bomontploffings teen Westerse teikens.<\/p>\n
Hezbollah tree hoofsaaklik op ter wille van Libanon se 1,2-miljoen Sji\u00eftiese Moslems, die land se grootste enkele sekte.<\/p>\n
Hezbollah het oor die jare gegroei tot waar hulle \u2018n netwerk van belange bedryf \u2013 klinieke, skole, \u2018n TV-stasie en \u2018n weeklikse koerant.<\/p>\n
\u00a0<\/p>\n