Durban – \u2019n Man is dood en drie ander ernstig gewond tydens \u2019n skietery wat tussen omstanders en gewapende mans uitgebreek het tydens \u2018n gepoogde rooftog op \u2018n hengelwinkel.<\/p>\n
Jeff Wicks, woordvoerder van Netcare 911, het ges\u00ea die skietery het gister in Sidarweg losgebreek.<\/p>\n
Twee mans het Bills Fish Tackle-winkel binnegegaan en die werknemers met vuurwapens gedreig, waarna hulle met R2 000 kontant en voorraad, weggehardloop het.\u00a0<\/p>\n
\u201c\u2019n Omstander wat gesien het wat gebeur het, het \u2018n vuurwapen uitgeruk en een van die skurke twee keer in die maag geskiet,\u201d het Wicks ges\u00ea.<\/p>\n
Wicks het ges\u00ea die man het toe saam met n\u00f3g twee omstanders, die vlugtende rowers in \u2018n bakkie agterna gesit.<\/p>\n
Die rowers het hulle in \u2018n paarkeerarea ingewag en op hulle gevuur.<\/p>\n
Die man wat die eerste rower geskiet het, is noodlottig getref.<\/p>\n
\u201cHy is deur paramedici aan die bestuurderskant van die bakkie in \u2018n plas bloed gevind, en het gesterf weens \u2018n skietwond in die mond en bors.<\/p>\n
\u201cDie twee ander mans is na onderskeidelik die Wentworth-hospitaal en die Bluff mediese sentrum geneem voor paramedici op die toneel verskyn het. Die man wat die bakkie bestuur het, is in \u2018n ernstige maar stabiele toestand in die Wentworth hospitaal en ontvang behandeling.\u201d<\/p>\n
\u2018n Derde man veg vir sy lewe in die hospitaal maar daar word nie verwag dat hy sal oorleef nie.<\/p>\n
Die polisie soek tans na die rowers wat gevlug het.<\/p>\n
Die toestand van die rower wat geskiet is, is nie bekend nie.\u00a0<\/p>\n
<\/p>\n