Microsoft het samesprekings met News Corp gehad oor \u2018n plan wat behels dat die mediamaatskappy betaal sal word om sy nuuswebwerwe op Google te \u201cde-indekseer,\u201d wat die tafel sal dek vir \u2018n soekenjingeveg wat \u2018n ligstraaltjie vir die koerantbedryf kan bied.<\/p>\n
Die impetus vir die samesprekings het van News Corp, die eienaar van koerante wat strek van die Wall Street Journal tot The Sun van Brittanje, gekom, s\u00ea \u2018n persoon wat bekend is met die situasie, wat gewaarsku het die samesprekings is in \u2018n vroe\u00eb stadium.<\/p>\n
Die Financial Times het egter vasgestel dat Microsoft ook ander groot aanlynuitgewers genader het om hulle te oorreed om hulle webwerwe van Google se soekenjin te verwyder.<\/p>\n
News Corp en Microsoft, wat die mededingende soekenjin Bing besit, het verseg om kommentaar te lewer.<\/p>\n
Een webwerfpubliseerder wat deur Microsoft genader is, s\u00ea die plan \u201cplaas enorme waarde op die inhoud indien die soekenjins bereid is om ons te betaal om by hulle te indekseer.\u201d<\/p>\n
Microsoft se belangstelling word as \u2018n regstreekse aanval op Google ge\u00efnterpreteer, want dit plaas druk op die soekenjin om te begin om vir inhoud te betaal.<\/p>\n
\u201cDit gaan alles daaroor dat Microsoft Google se winsgrense sal seermaak,\u201d s\u00ea die webbladpubliseerder wat bekend is met die plan.<\/p>\n
Maar die grootste begunstigde van die worsteling kan die koerantbedryf wees, wat nog \u2018n betroubare aanlynbesigheidsmodel moet konstrueer wat kwynende druk- en advertensie-inkomste sal vervang.<\/p>\n
In \u2018n moontlike aanduiding van onderhandelinge wat kom, het Google verlede week die belangrikheid van koerantinhoud afgepraat.<\/p>\n
Matt Brittin, Google se Britse direkteur, het \u2018n Vereniging van Redakteurs-konferensie vertel dat Google nie nuusinhoud nodig het om te oorleef nie. \u201cEkonomies is dit nie \u2018n groot deel van hoe ons \u2018n inkomste genereer nie,\u201d het hy ges\u00ea.<\/p>\n
News Corp het aanlynbetalingsmodelle vir hulle koerante ondersoek en het \u2018n toenemende taai houding teenoor Google ingeslaan.<\/p>\n
Rupert Murdoch, die voorsitter van News Corp, het ges\u00ea hy sal wettige metodes gebruik om Google te verhoed om stories wat in sy koerante gepubliseer word, te \u201csteel.\u201d<\/p>\n
Microsoft is desperaat om Google op die gebied van internetsoektogte in te haal en, na vyf jaar en honderde miljoene rande se verliese, is Bing in Junie geloods, wat hulle mees ambisieuse poging tot dusver aandui.<\/p>\n
Steve Ballmer, hoofbestuurder van Microsoft, s\u00ea die maatskappy is bereid om groot geld te spandeer vir baie jare om Bing \u2018n ernstige mededinger vir Google te maak.<\/p>\n
Microsoft poog om Bing te differensieer deur stof wat nie elders beskikbaar is nie, in te trek, maar het tog nie ekslusiwiteit van inhoudsvennote verwag nie. Bing is verantwoordelik vir 9,9 persent van die soektogte in die VSA in Oktober, ho\u00ebr as die 8,4 persent tydens die loodsing daarvan.<\/p>\n
James Murdoch, voorsitter en hoofbestuurder van News Corp Europa en Asi\u00eb, het verlede week geskimp dat die maatskappy vordering maak met hulle aanlynplanne. \u201cOns dink daar is \u2018n baie opwindende markplek, potensieel \u2018n groothandelmarkplek, vir digitale joernalisme, wat ons sal ontwikkel,\u201d het hy ges\u00ea.<\/p>\n
\u00a0<\/p>\n