Engeland het gister die tweede eendagwedstryd teen Suid-Afrika met sewe paaltjies gewen. Andrew Strauss het die loot gewen en die Suid-Afrikaners ingestuur om te kolf.<\/p>\n
Op ‘n blad wat heelwat stadiger en suiniger was as die gewone Centurion-lopiefabriek, het die Proteas lusteloos gekolf. Eintlik was die slag reeds in die negende beurt gelewer toe AB de Villiers knap uitgevang is op punt deur ‘n vlie\u00ebnde Paul Collingwood. Teen di\u00e9 tyd het Graeme Smith reeds sy sit in die paviljoen gekry nadat hy vir net 12 uit is.<\/p>\n
Amla het vloeiend maar vonkloos gekolf vir 57 lopies in 72 balle en Duminy het goed gelyk tot op 41 toe hy te fraai probeer wees het en die bal nie na derdeman nie, maar na die handskoene van Prior van die kolf laat afgly het. Alviro Petersen het die bal jolig geklop voordat hy dieselfde houtjie probeer het en sy dwarsbalkie gelos het om ‘n Bresnan-bal te keer.<\/p>\n
Suid-Afrika se beurt het op presies 250 ge\u00ebindig.<\/p>\n
Hierdie was ‘n blad wat die bloedige, konsentrerende kolfwerk van Engeland beter as die meer flambojante Suid-Afrikaners gepas het. Dit is onderstreep deur ‘n metodiese, geduldige honderdtal van Paul Collingwood.<\/p>\n
In eendagwedstryde is daar min terugkeerkanse. Suid-Afrika kan, en sal waarskynlik, beter in volgende wedstryde kolf.<\/p>\n
Engeland loop nou een-nul in die reeks voor nadat die eerste wedstryd Vrydagaand uitgere\u00ebn het.<\/p>\n
\u00a0<\/p>\n