Slegte nuus vir verveelde kykers wat die vermo\u00eb verloor het om vir hulleself te dink: Die kletskoningin en mediamagnaat, Oprah Winfrey kondig vandag aan dat sy haar w\u00eareldberoemde kekkelprogram gaan staak. Die laaste aflewering sal op 9 September 2011, na 25 jaar opgeneem word.<\/p>\n
Winfrey, \u2018n swartvrou van Chicago, het haar eie kletsprogramstyl met sappige stories, goeie navorsing en \u2018n uitspattige, affektiewe, soms histeriese manier van aanbieding ontwikkel. Sy het hierdie sukses gebruik om haar eie produksiemaatskappy, Harpo, op te rig. Deesdae word sy as een van die magtigste persone in die uitsaaiwese beskou, \u2018n status wat gebaseer is op \u2018n lojale kykerspubliek wat haar onbeskaamde selfpromovering verslind.<\/p>\n
Kykers het toenemend haar produkaanbevelings slaafs nagevolg. Enige toestel met die Oprah-endossement van goedkeuring, was oombliklik \u2018n groot sukses. Selfs groot, ikoniese maatskappye was by tye dankbaar vir haar ondersteuning. Apple, byvoorbeeld, was ekstaties toe Winfrey \u2018n onmiddellike topverkoper van die I-pod gemaak het met die aankondiging dat sy haar musiek daarop luister. Dit word die Oprah-effek genoem.<\/p>\n
Tog is daar aanduidings dat Winfrey se ster aan die verskiet is, veral na sy die onkonvensionele stap geneem het om haar objektiwiteit te versaak en haar volle steun aan Barack Obama as president toe te s\u00ea. Obama se presidentskap is besig om in \u2018n verleentheid te ontaard en Winfrey se kwynende kykersgetalle is die bewys daarvan.<\/p>\n
Volgens \u2018n woordvoerder van haar maatskappy gaan sy voortaan op die ontwikkeling van haar eie kabeltelevisiekanaal, OWN, die Oprah Winfrey Netwerk, konsentreer. Sy doen dit in samewerking met Discovery Communications.<\/p>\n
Winfrey se gewildheid het , na \u2018n hoogtepunt in die laat negentigerjare, skerp gedaal in Suid-Afrika, veral na \u2018n debakel waarin sy die sogenaamde \u201cEngel van Soweto\u201d met groot vertoon ondersteun het. Die \u201cEngel\u201d is later ontmasker as \u2018n swendelaar wat voorgegee het om na weeskinders om te sien. Sy het ook die Oprah Winfrey Meisiesakademie in Gauteng begin, \u2018n peperduur privaatskool vir hoofsaaklik swart meisies wat die een verleentheid na die ander opgelewer het.<\/p>\n
In konserwatiewe kringe word gevra of die kwyning van Oprah Winfrey se gewildheid \u2018n kentering in die houvas van liberales op die openbare media aandui.<\/p>\n
\u00a0<\/p>\n