\u2018n Zimbabwi\u00ebr is in hegtenis geneem nadat die man wie se identiteit hy glo gesteel het, hom opgespoor en platgetrek het.<\/p>\n
Themba Mabela het glo agterdogtig geraak toe die verkeersdepartement hom in kennis gestel het dat sy voertuig se registrasie verval het. Hy besit nie \u2018n voertuig nie.<\/p>\n
By die verkeersdepartement het hy geleer dat iemand \u2018n voertuig in sy naam geregistreer het. Hy het toe die arbeidsburo besoek en geleer dat iemand \u2018n werk in sy naam by \u2018n maatskappy geneem het.<\/p>\n
Volgens kapt. John Shwane Serato het Mabela toe na die maatskappy gegaan en die adres van sy dubbelganger gekry. Daar aangekom, het Mabela gehoor dat die persoon nie meer daar woon nie, maar dat hy na die huis oorkant die pad getrek het.<\/p>\n
Die huurders het aan hom ges\u00ea dat hulle die man slegs aan sy van, Mabela, ken. Mabela het toe bevestig dat sy dubbelganger daar woon en die polisie gekontak.<\/p>\n
\u201cToe polisie op die toneel kom en die man ondervra, het hy \u2018n Zimbabwiese identiteitsdokument geproduseer en sy regte naam gegee. Hulle het druk op hom geplaas en hy het toe die Suid-Afrikaanse identiteitsdokument met Mabela se besonderhede op, getoon,\u201d het Serato ges\u00ea.<\/p>\n
Die man het glo ges\u00ea dat hy die dokument in Soweto gekoop het. Mabela se ID=dokument het in 2008 weggeraak.<\/p>\n
“Daar is ook rekeninge in Mabela se naam oopgemaak en die voertuig wat in sy naam was is gekonfiskeer. Ander persoonlike dokumente wat nie aan die verdagte behoort nie is ook in sy huis gevind,\u201d het Serato ges\u00ea.<\/p>\n
Die verdagte is in hegtenis geneem vir bedrog en sal binnekort in die landdroshof in Pretoria verskyn.<\/p>\n
\u00a0<\/p>\n