\u2018n Iranse diplomaat het gister gedreig om samewerking van die Internasionale Atoom Energie Agentskap wat ondersoek na \u2018n nuwe kernterrein wil instel, te weerhou indien die IAEA te hard druk vir inligting, het deelnemers aan \u2018n agentskapvergadering in Wene ges\u00ea.<\/p>\n
Iran se ambassadeur Ali Asghar Soltanieh het woedend op die agentskap se vrae oor die oorsprong en doel van die Fordu-verrykingsaanleg gereageer, het die bronne ges\u00ea, \u2018n dag voor die IAEA se tweede inspeksie van die terrein wat Iran in September openbaar gemaak het.<\/p>\n
Soltanieh het ges\u00ea dit is nie die agentskap se werk om Iran se bedoelings vas te stel nie,\u201d het \u2018n diplomaat ges\u00ea. Nog \u2018n beampte het hierdie weergawe bevestig.<\/p>\n
Amptenare na aan die IAEA het uitgewys dat die Fordu-aanleg nie groot genoeg is om kernbrandstof vir kernkragreaktors te verskaf nie, terwyl Westerse beamptes s\u00ea dit is net die regte grootte om materiaal vir een kernbom per jaar te maak.<\/p>\n
Die IAEA het versoek om amptenare vir die vroe\u00ebre beplanningsfase van die Fordu-terrein wat noord van die stad Qom gebou word, te ontmoet. Maar Soltanieh het aangedui dat Iran samewerking met die IAEA kan afskaal indien die inspekteurs te hard druk, het die twee deelnemers aan die vergadering ges\u00ea.<\/p>\n
Die ambassadeur het ook ges\u00ea Iran staar \u2018n \u201cpolitieke situasie binne en van buite\u201d in die gesig, het een deelnemer meegedeel en bygevoeg dat Soltanieh waarskynlik bedoel het dat dit vir hom moeilik is om ondersteuning onder leiers in Teheran vir die IAEA se ondersoek te kry.<\/p>\n
Die IAEA se hoof, Mohamed ElBaradei, het in sy jongste verslag ges\u00ea dat die gesloerde openbaarmaking van die Fordu-aanleg \u201caanleiding gee tot vrae oor of daar nog enige ander kernfasiliteite in Iran is wat nie aan die Agentskap verklaar is nie.\u201d<\/p>\n
\u00a0<\/p>\n