\u2018n Vraghouerskip wat vroe\u00ebr vanjaar in die middelpunt van \u2018n gyselaarsdrama was, het ter noue nood daaraan ontsnap om gister vir \u2018n tweede keer deur seerowers gekaap te word, het die Europese Unie se anti-seerowermissie aan die kus van Somali\u00eb ges\u00ea.<\/p>\n
Die EU se NAVFOR het in \u2018n verklaring ges\u00ea die Deense Maersk Alabama wat onder \u2018n Amerikaanse vlag vaar, het onder \u2018n aanval deurgeloop omtrent 650 kilometer van die kus van Somali\u00eb af.<\/p>\n
In April het Amerikaanse vlootsluipskutters drie seerowers doodgeskiet toe hulle die Maersk Alabama se Amerikaanse kaptein, Richard Phillips gered het uit \u2018n reddingsboot waar hy na \u2018n poging om sy skip te kaap, aangehou is.<\/p>\n
\u201cSeerowers het met outomatiese vuurwapens op MV Maersk Alabama geskiet wat gereageer het met vuur van \u2018n aanboordvaartuigbeskermingseenheid,\u201d het NAVFOR in \u2018n verklaring ges\u00ea. \u201cDie bemanning het daarin geslaag om die aanval af te weer en geen ongevalle is gerapporteer nie.\u201d<\/p>\n
NAVFOR het \u2018n vliegtuig na die gebied gestuur en die naaste patrollerende oorlogskip is daarheen om die seerowers te jag.<\/p>\n
Voormalige bemanningslede s\u00ea hulle het die maatskappy gevra om die skip te hernoem, oor te verf en op \u2018n ander roete te stuur, nadat dit verlede jaar die eerste skip geword het om deur seerowers langs die kus van Afrika aangeval te word. Een van die lede, John Cronan, is in \u2018n hofgeding met Maersk in Texas en beweer dat die maatskappy nalatig was om die bemanning in welbekende seerowergebiede sonder behoorlike beskerming in te stuur.<\/p>\n
Seerowery neem weer in Somaliese waters toe na \u2018n daling wat deur die moesonseisoen veroorsaak is.<\/p>\n
\u00a0<\/p>\n