![](\"http:\/\/afrikaansenuus.co.za\/wordpress\/wp-content\/uploads\/2009\/11\/rich2.jpg\")
\u2019n Suid-Afrikaanse argitek, Peter Rich van Johannesburg, het die prys vir die beste gebou ter w\u00eareld ingepalm.<\/p>\n\u2019n Suid-Afrikaanse argitek, Peter Rich van Johannesburg, het die prys vir die beste gebou ter w\u00eareld ingepalm.<\/p>\n
Hy is by die w\u00eareldargitektuurfees-prysuitdeling in Barcelona, Spanje, vir die ontwerp van sy Mapungubwe-interpretasiesentrum in Limpopo vereer.<\/p>\n
Sy wenstruktuur is digby die samevloeiing van die Limpopo- en die Sheshe-rivier in die Mapungubwe- Nasionale Park opgerig vir die artefakte van die gebied.<\/p>\n
Rich het sy prys toegeskryf daaraan dat die beoordeelaars \u201ckeelvol vir glas en glimligte\u201d is en daarom het sy \u201ceg Afrika\u201d-ontwerp gewen.<\/p>\n
Meer as 1500 argitekte en kundiges het 15 finaliste uit 272 projekte van 67 lande gekies. \u2019n Paneel van vyf deskundiges waaronder ook ‘n strukturele ingenieur, moes die algehele wenner aanwys.<\/p>\n
S\u00fch\u00e4 Ozkan, \u2019n Turkse argitek en beoordelaar, het ges\u00ea Rich se ontwerp dra \u201c\u2019n beeld van kompleksiteit\u201d na die buitew\u00eareld uit. Die beoordeelaars het gevoel die gebou is sielkundig sowel as argitektonies besonder kragtig.<\/p>\n
\u201cDie gebou is tussen Julie en September voltooi en die sentrum sal seker volgende jaar vir die publiek oopgestel word,\u201d het Rich ges\u00ea.<\/p>\n
Die gebou smelt heeltemal by die landskap in. Klippe en gruis van die omgewing is op die koepeldakke ingemessel.<\/p>\n
Die koepels is van klein kleite\u00ebls wat in lae oor mekaar op \u2019n antieke Spaanse manier vasgemessel is.<\/p>\n
Plaaslike swart vroue het die te\u00ebls op die bouperseel uit sand van die gebied gemaak en die gebou bevat net 5% sement.<\/p>\n
\u201cOns het die koolstofvoetspoor met 80% verminder,\u201d het Rich ges\u00ea.<\/p>\n
\u00a0<\/p>\n