Jacob Maroga het Barbara Hogan, minister van openbare ondernemings, in \u2019n brief in kennis gestel dat hy homself steeds as die uitvoerende hoof van Eskom beskou, volgens Vytjie Mentor, voorsitter van die parlement se portefeulje-komitee rakende openbare ondernemings.<\/p>\n
Nadat nuus Maandag bekend geraak het dat Godsell bedank het, het Mentor die brief bevestig. \u201cHy het ges\u00ea hy aanvaar volle beheer oor al sy verantwoordelikhede, insluitend om op die direksie te wees, hy sal die onderneming bestuur,\u201d het Mentor ges\u00ea.<\/p>\n
Intussen het die Black Management Forum Maandagmiddag reeds Godsell se bedanking en Maroga se terugkeer verwelkom.<\/p>\n
\u201cOns spreek ons waardering uit dat hy bedank het. Dit was die regte ding,\u201d het die organisasie se besturende direkteur, Gaba Tabane, ges\u00ea.<\/p>\n
\u201cOns verwelkom dit ook dat Maroga terug is by die werk.\u201d<\/p>\n
Intussen het ekonome ges\u00ea Godsell se bedanking is \u2019n \u201cgroot terugslag\u201d wat buitelandse beleggers wat vrese het oor politieke inmenging, kan afskrik.<\/p>\n
\u201cDit wil voorkom asof die gesag van die direksie ondermyn word. Dit wil ook voorkom asof die korporatiewe bestuur by Eskom erg geskud is,\u201d het Chris Hart, ekonoom van Investment Solutions, ges\u00ea.<\/p>\n
\u201cDie implikasie is dat daar politieke inmenging was, dit sal betreurenswaardig wees as dit die geval is,\u201d het Ulrich Joubert, ekonoom van Kruger International, ges\u00ea.<\/p>\n
\u201cDit sal \u2019n paar wenkbroue in die beleggingsw\u00eareld laat lig. Finansi\u00eble markte hou nie normaalweg van politieke inmenging nie,\u201d het Joubert ges\u00ea.<\/p>\n
Ayanda Shezi, woordvoerder van die departement van openbare ondernemings, kon nie teen 15:00 bevestig of die res van Eskom se direksie ook bedank het nie.<\/p>\n
\u00a0<\/p>\n