Brittanje se voormalige ho\u00ebkommissaris in Suid-Afrika, Paul Boateng, is aangestel as direkteur van \u2019n privaat veiligheidsmaatskappy wat in Irak gekontrakteer is.<\/p>\n
Die Sunday Times het Sondag berig dat Boateng, wat Suid-Afrika in Mei verlaat het, se direkteurskap by Aegis Defence Services skaars vyf maande n\u00e1 sy terugkeer beklink is.<\/p>\n
Die Britte het in Boateng se termyn gepoog om plaaslike wetgewing oor huursoldate te verander om Suid-Afrikaners te kan werf.<\/p>\n
Boateng het namens Brittanje se buitelandse kantoor voorleggings aan die ministerie van verdediging gemaak oor voorgestelde wetgewing rondom Suid-Afrikaners wat hulle by buitelandse milit\u00eare operasies wil aansluit.<\/p>\n
Suid-Afrikaners wat hulle dan by die Britse weermag aansluit sou sodoende nie hul burgerskap verloor nie.<\/p>\n
Die Suid-Afrikaanse regering het hierdie voorstel verwerp.<\/p>\n
Die wetgewing is juis daarop gemik om \u2019n einde te maak aan Suid-Afrika se reputasie as \u2019n werwingsplek vir huursoldate wat betrokke is by neo-koloniale konflikte.<\/p>\n
Suid-Afrikaners is na bewering die tweede grootste groep wat vir privaat veiligheidsmaatskappye in Irak werk naas Amerikaners.<\/p>\n
Tim Spicer, uitvoerende hoof van Aegis, is \u2019n voormalige sakevriend van Simon Mann, die Britse huursoldaat wat verlede week saam met vier Suid-Afrikaners vrygelaat is n\u00e1 hul vonnis vir \u2019n mislukte staatsgreep in die olieryke Ekwatoriaal-Guinee.<\/p>\n
\u00a0<\/p>\n