\u2019n Vertroulike Eskomverslag dui aan dat tot 50% van sleutelposte in die organisasie nie gevul was toe die land onder beurtkrag gebuk gegaan het nie, het die DA Maandag ges\u00ea.<\/p>\n
Cobus Schmidt, die DA se woordvoerder oor energie, het ges\u00ea sy party is in besit van \u2019n verslag van Eskom se tegniese ouditgroep wat laat in 2007 saamgestel is en intern in Eskom gesirkuleer is net voor die land met kragkrisisse getref is.<\/p>\n
Schmidt het ges\u00ea die verslag dui aan hoe Eskom se bestuur versuim het om kritieke vakatures in senior bestuur en van steenkoolaanskaffing te vul.<\/p>\n
Die verslag sluit aan by \u2019n ander een wat die DA in September bekom het waarin \u2019n internasionale kenner, me. Susan Olsen, wat deur Eskom aangestel is, gewaarsku het dat Eskom se energie-opwekking in duie kan stort as daar nie ingegryp word nie.<\/p>\n
\u201cOlsen se memo, net soos die een wat ons nou bekend maak, demonstreer dat Eskom gewaarsku is dat hy steenkooltekorte in die gesig staar en dat maatre\u00ebls voorgestel is om die krisis te voorkom, maar dat die organisasie hom nie daar aan gesteur het nie,\u201d het Schmidt ges\u00ea.<\/p>\n
Die Olsen-memo verwys daarna dat Eskom se gebrek aan ervaring en onvermo\u00eb om die steenkoolmark te verstaan, \u2019n kritieke rol in die kragtekorte gespeel het.<\/p>\n
\u201cNou het ons \u2019n verslag van Eskom se eie ouditafdeling wat die siening ondersteun,\u201d het Schmidt ges\u00ea.<\/p>\n
\u00a0<\/p>\n