‘n Moontlike internasionale verbod op die handel in diamante afkomstig van Zimbabwe sal na verwagting di\u00e9 week op die agenda wees wanneer die internasionale liggaam wat die handel in sogenaamde bloeddiamante moet verhoed, die Kimberley-proses, vergader.<\/p>\n
Burgerregtegroepe wat deel vorm van die Kimberley-proses eis ‘n verbod op Zimbabwe se internasionale diamanthandel, op grond van menseregtevergrype in die oostelike Marangediamantvelde.<\/p>\n
‘n Kimberley-ondersoek in Julie het glo bewyse gevind van “onaanvaarbare en grusame geweld teenoor burgerlikes deur owerhede” in Marange.<\/p>\n
Dit volg na maande se gerugte van moord, gedwonge afsettings en ander menseregtevergrype deur die weermag in di\u00e9 gebied naby die grens van Mosambiek.<\/p>\n
Die Kimberley-proses, vernoem na die Suid-Afrikaanse myndorp, is in 2003 in die lewe geroep om die vloei van sogenaamde bloeddiamante te keer.<\/p>\n
In Zimbabwe se geval het die weermag beheer oorgeneem oor die Marangediamantvelde, wat volgens berigte ‘n belangrike bron van inkomste is vir pres. Robert Mugabe se ZANU-PF-party.<\/p>\n
\u00a0<\/p>\n