![](\"http:\/\/afrikaansenuus.co.za\/wordpress\/wp-content\/uploads\/2009\/11\/sun_city.jpg\" "\\"Sun")
Betogende Cosatu-lede het gister deur ‘n staalheining gebars en het die hoofingang van die Sun City-dobbeloord versper om ‘n memorandum te gaan oorhandig.<\/p>\nBetogende Cosatu-lede het gister deur ‘n staalheining gebars en het die hoofingang van die Sun City-dobbeloord versper om ‘n memorandum te gaan oorhandig.<\/p>\n
Omtrent 1000 betogers het Saterdag die strate ingevaar om te eis dat Sun International sy kontrak met Falcon-veiligheidsdienste be\u00ebindig, nadat een van die firma se werknemers ‘n CD gespeel het met lirieke waarin na die vorige president Nelson Mandela as ‘n “kaffer” en na oudpresident Thabo Mbeki as ‘n “bobbejaan” verwys word.<\/p>\n
Die heining is opgerig om die betogers daarvan te weerhou om die hotel se hoofhek te bereik.<\/p>\n
“Ons gaan nie die memorandum hier oorhandig nie, ons wil dit by die hoofhek oorhandig,” het provinsiale sekretaris van Noordwes Solly Phetoe ges\u00ea alvorens die betogers deur die heining gebars het. Die optoggangers het ook teen die beweerde onregverdige en rassistiese werksomstandighede by die internasionale vakansieoord betoog.<\/p>\n
“Daar is rassisme by di\u00e9 instelling. Die ergste is dat hulle ons internasionale leier, ons vader Nelson Mandela, beledig het,” het Phetoe ges\u00ea.<\/p>\n
“Oor Nelson Mandela gaan ons geen kompromie tref nie,” het hy ges\u00ea. “As hulle nie instem tot ons eise nie, gaan ons by hulle konsert en by die miljoendollargholftoernooi betoog.”<\/p>\n
Die Polisie-eenheid vir openbare orde het daarin geslaag om die skare in toom te hou.<\/p>\n
Volgens Phetoe is rassisme algemeen by Sun City. Hy het ges\u00ea swart werkers word aan poligraaftoetse onderwerp terwyl hulle blanke eweknie\u00eb dit nie hoef te ondergaan nie.<\/p>\n
Die betogers het ook die onmiddellike afdanking ge\u00ebis van ‘n blanke bestuurderes wat na bewering aan twee werkers ges\u00ea het dat hulle soos bobbejane ruik.<\/p>\n
“Sy het na bewering vir hulle ges\u00ea dat hulle behoort te bad en as hulle nie reukweerder kan bekostig nie, sy dit met graagte vir hulle sal aankoop,” het Madito Morobalwa, sekretaris van die Moses Kotane-tak van Cosatu ges\u00ea.<\/p>\n
In die memorandum beweer Cosatu dat ‘n werker, Debra Danke, in ‘n vertrek met slange toegesluit is nadat sy van die diefstal van geld uit ‘n hotelkamer beskuldig is, selfs nadat sy deur ‘n poligraaftoets kwytgeskeld is.<\/p>\n
Die federasie beweer swartes word om kleinlike redes afgedank, terwyl blankes in ernstige gevalle met waarskuwings ontkom. Na bewering het ‘n blanke werknemer slegs ‘n waarskuwing ontvang nadat hy R2 miljoen se goedere van die oord verwyder het.<\/p>\n
Kurt Peter, afdelingsbestuurder by die oord, wat die memorandum namens Sun City en Sun International in ontvangs geneem het, het ges\u00ea hulle verwerp enige vorm van rassisme.<\/p>\n
“Ons werk onverpoos om rassisme uit te wis en ons daag Cosatu uit om saam met ons te werk om rassisme uit te roei,” het hy ges\u00ea.<\/p>\n
Hy het verduidelik dat ‘n indringende ondersoek na die beweerde belediging van Mandela tans onderneem word. Volgens hom is ‘n bestuurder by Falcon-veiligheid afgedank in verband met die voorval en ‘n ander is geskors.<\/p>\n
Cosuta het gedreig om by Fifa aan te dring dat Sun International se geriewe nie tydens die 2010-sokkerw\u00eareldbeker gebruik word nie.<\/p>\n
“Ons sal die internasionale w\u00eareld versoek om nie sake met Sun International te doen as hulle nie rassisme be\u00ebindig nie,” het Phetoe ges\u00ea.<\/p>\n
Cosatu in die Weskaap het ook gedreig om ‘n veldtog teen Sun International-hotelle in die provinsie, soos Grand West-casino en die Table Bay-hotel, te loods.<\/p>\n
Noordwes-Cosatu het ges\u00ea indien daar nie op hul griewe teen Maandag gereageer word nie hulle internasionaal sal mobiliseer om sanksies teen Sun International ingestel te kry.<\/p>\n