Die minister van ko\u00f6peratiewe regering, Sicelo Shiceka, se bekendmaking van \u2018n verslag oor plaaslike regering is Donderdag deur die Vryheidsfront Plus verwelkom.<\/p>\n
\u201cDie erkenning dat die chaos in plaaslike regering die gevolg is van die ANC se jare lange beleid om kaders, eerder as professionele kundigheid, te ontplooi, is \u2018n dapper erkenning\u201d, het die party in \u2018n verklaring ges\u00ea.<\/p>\n
Volgens Pieter Groenewald, parlement\u00eare woordvoerder van Plaaslike Regering vir die Vryheidsfront Plus pluk die ANC pluk nou die vrugte van \u2018n Mbeki-erfenis wat alles waarteen die opposisie gewaarsku het, as rassisties gesien het.<\/p>\n
Groenewald s\u00ea dit is egter te min, te laat.<\/p>\n
\u201cDie ANC is besig met krisisbestuur en wil nou poog om met \u2018n nasionale poging die dienslewering en prestasies van munisipaliteite te verbeter. Dit is egter slegs in reaksie op die toenemende ontevredenheid in bepaalde munisipaliteite wat die regering tot optrede dwing\u201d, lees die verklaring.<\/p>\n
Groenewald s\u00ea dat indien die vergadering tussen president Zuma, burgemeesters en stadsbestuurders ten doel gehad het om te verseker dat alle munisipaliteite optimaal funksioneer en dienslewering verbeter, die Vryheidsfront Plus dit ondersteun.<\/p>\n
\u201cDie regering sal egter moet wys dat hy daadwerklik optree, anders is dit bloot gerig om die krisis met die oog op die komende munisipale verkiesing te ontlont en gemeenskappe te paai,\u201d s\u00ea hy.<\/p>\n
\u00a0<\/p>\n