Daar is slegs 235 dae voordat die W\u00eareldbekersokkertoernooi afskop, en Suid-Afrika se sokkerspan sit sonder ‘n afrigter.<\/p>\n
Die Brasiliaan Joel Santana het die trekpas gekry vir Bafana Bafana se ellendige vertonings waarin hulle agt van hul laaste nege wedstryde verloor het.<\/p>\n
Die hulpafrigters Jairo Leal en Pitso Mosimane dien tans as waarnemende afrigters.<\/p>\n
Ten spyte van sy powere vertoning, was Santana verlede week nog seker dat hy sy werk sou behou. Suid-Afrika het onlangs met 0-1 teen Ysland verloor toe Ysland 23 plekke onder Bafana op die w\u00eareldranglys was.<\/p>\n
\u201cEk bly net waar ek is. Ek het nog nooit van \u2019n afrigter gehoor wat gepos word as hy vriendskaplike wedstryde verloor nie,\u201d het hy by die span se terugkoms uit Reykjavik aan die media ges\u00ea.<\/p>\n
Santana spog met die onderskeiding dat hy die eerste Bafana-afrigter geword wie se span ses agtereenvolgende wedstryde verloor het.<\/p>\n
Daarbenewens het Bafana ook twee keer onder hom tot op die 85ste plek op die w\u00eareldranglys gedaal.<\/p>\n
In 1996 was Bafana op die 16de plek op di\u00e9 lys. Dit is hul swakste posisie in 15 jaar.<\/p>\n
\u00a0<\/p>\n