Met \u0149 onlangse besoek aan Pretoria het ek toevallig by \u0149 verkeerskruising agter \u0149 Bok van Blerk-toerbussie beland. Op die agterkant was daar \u0149 uitbeelding van \u0149 Boerekryger in die saal en \u0149 Tommie aan sy linkerkant.<\/p>\n
Die geweer in die hande van die Boer het egter glad nie soos \u0149 Mauser gelyk nie, maar meer soos \u0149 Winchester, op sy eie \u0149 fout wat De la Rey dalk self uit sy graf kan laat herrys.<\/p>\n
\u0149 Nog meer ooglopende onakkurate voorstelling is die saal waarop die Boer sit. Die horing voorop hierdie saal is \u0149 kenmerk van die Amerikaanse Cowboy-sale. Die Boere se sale was plat aan die voorkant, en het dus heel anders uitgesien.<\/p>\n
Die .303 in die hande van die Tommie, is ook volgens my mening nie heeltemal korrek nie. Hierdie geweer se vorm lyk meer soos \u0149 latere weergawe wat tydens die Eerste W\u00eareldoorlog in gebruik was, en nie di\u00e9 waarmee in die jare 1899-1902 geveg is nie.<\/p>\n
Dit is belangrik om jou geskiedenis getrou uit te beeld, net soos wat dit belangrik is om akkuraat daaroor te skryf en te praat. Geloofwaardigheid lei ook tot lojale ondersteuning en die respek van die bre\u00eb publiek.<\/p>\n
<\/p>\n