Die ANC het gere\u00ebl dat daar glo watertekorte in Mitchells Plain sou wees voor \u2019n minister se besoek aan die voorstad, het die Wes-Kaapse premier, Helen Zille, Donderdag ges\u00ea.<\/p>\n
Die minister van ko\u00f6peratiewe regering en tradisionele sake, Sicelo Shiceka, het die gebied Dinsdag besoek.<\/p>\n
Die minister het glo tydens sy besoek klagtes van inwoners ontvang dat hul watertoevoer sonder waarskuwing afgesny is.<\/p>\n
Shiceka het voorts gewaarsku dat die nasionale regering sou ingryp indien Kaapstad of die Wes-Kaap nie daarin slaag om basiese dienste aan die gemeenskap te lewer nie.<\/p>\n
In \u2019n ope brief aan Shiceka het Zille ges\u00ea sy het Mitchells Plain Donderdagoggend besoek en dat sy “geen bewyse van die sogenaamde watertekort” kon vind nie.<\/p>\n
Zille het ges\u00ea inwoners het haar verseker dat die 350 liter water wat daagliks aan hulle voorsien word genoeg is.<\/p>\n
Volgens die Wes-Kaapse premier het inwoners haar ook vertel dat die plaaslike komitee van die ANC ges\u00ea het hulle moet hul watertoevoer voor Shiceka se besoek afskakel.<\/p>\n
Sodoende sou dit lyk asof hulle nie water het nie wanneer hulle hul krane vir die minister oopdraai.<\/p>\n
“Drie aparte huishoudings het die bewerings bevestig,” het Zille ges\u00ea.<\/p>\n
Zille s\u00ea sy is gekant teen Kaapstad-munisipaliteit se beleid om mense se watertoevoer af te sny wanneer hulle nie daarvoor betaal nie.<\/p>\n
\u00a0<\/p>\n