Suid-Afrika benodig meer as R70 miljard om sy infrastruktuur vir die verskaffing van water te verbeter, het Buyelwa Sonjica, minister van omgewingsake en waterwese, Dinsdag ges\u00ea.<\/p>\n
Sonjica het by die bekendstelling van die Maquassi Hills-watervoorsieningsprojek in die Noord-Wes gepraat.<\/p>\n
Sy s\u00ea vyf sulke projekte is in die afgelope drie jaar in di\u00e9 provinsie van stapel gestuur, maar dit kom teen \u2018n prys.<\/p>\n
“Die begroting wat aan my toegeken word kan lyk na baie geld, maar dit is net \u2018n klein gedeelte van die koste wat sulke infrastruktuur beloop. Ons doelwit oorskry R70 miljard,\u201d het Sonjica ges\u00ea.<\/p>\n
Volgens haar is infrastruktuur, en die bestuur daarvan, \u2018n belangrike element van die verskaffing van waterdienste.<\/p>\n
Sy s\u00ea \u2018n verdere 23 projekte is tans in die konstruksiefase, terwyl 11 ander wag op tenders. ‘n Verdere 47 projekte sal waarskynlik goedgekeur word.<\/p>\n
\u201cDie infrastruktuurontwikkeling vir die verskaffing van water in grootmaat is in sy derde jaar, maar sal moet aangaan tot die meeste van die grootmaat infrastruktuurbehoeftes bevredig is,\u201d het Sonjica ges\u00ea.<\/p>\n
\u00a0<\/p>\n