President Jacob Zuma het polisielede regoor die land aangemoedig om alles in hulle vermo\u00eb te doen om misdaad te bekamp, al beteken dit dat hulle misdadigers moet doodskiet.<\/p>\n
Dit blyk dat Zuma \u2018n vasberade benadering tenoor misdaad inneem, met die W\u00eareldbeker om die draai. Vrese bestaan dat 2010 geteister sal word deur kapings, moorde en rooftogte.<\/p>\n
Tydens \u2018n vergadering Dinsdag met verskeie lede van die polisie en sekuriteitsbeamptes het Zuma veral klem geplaas op die uitdagings wat SAPD-lede in die gesig staar. Dit kom slegs \u2018n week nadat die nuutste misdaadstatistieke \u00a0bekendgemaak is.<\/p>\n
\u201cWanneer die lewens van onskuldige burgers bedreig word, het die polisie soms geen ander keuse as om geweld te gebruik om hulself en onskuldiges te beskerm nie,\u201d het Zuma aan sowat 1000 polisie stasiebevelvoerders ges\u00ea.<\/p>\n
\u201cOns soek egter nie polisielede wat net links en regs gaan skiet nie.\u201d<\/p>\n
Volgens statistiek word daar daagliks sowat 50 mense in die land vermoor. Zuma het bygevoeg dat Suid-Afrika die omvang van die probleem moet erken en dat daar tot uiterstes beweeg sal moet word om dit stop te sit.<\/p>\n