Verskeie afgevaardigdes, insluitende die VSA en Frankryk, het uit die VN se Algemene Vergadering tydens ‘n toespraak deur die Iranse president, Mahmoud Ahmadinejad, geloop. Dit word gesien as ‘n sein aan Ahmadinejad dat hierdie lande sy land se kernprogram afkeur.<\/p>\n
Daar is ernstige kommer dat Iran hulle kernkapasiteit sal gebruik om massavernietigingswapens te vervaardig, waarskynlik vir gebruik teen Israel.<\/p>\n
In sy toespraak het Ahmadinejad klem gel\u00ea op die deugde van Islam en gewaarsku dat ongebreidelde kapitalisme tot ‘n val sal kom, net soos wat met sosialisme gebeur het.<\/p>\n
Ahmadinejad het Israel uitgesonder vir kritiek en di\u00e9 land beskuldig van ‘n “onmenslike beleid” teen die Palestyne en hulle dominansie van die w\u00eareld se politieke en ekonomiese aangeleenthede.<\/p>\n
Hy het voorts ges\u00ea “die ontwaking van volke en die uitbreiding van vryheid w\u00eareldwyd sal beteken dat [Israel] nie langer sal kan voortgaan met hulle skynheiligheid en venynige houding nie”.<\/p>\n
Hy het nie gedurende sy toespraak verwys na Teheran se kernprogram nie.<\/p>\n
Sy toespraak is met belangstelling deur Westerse moondhede gevolg en dit is voor sy aflewering van die podium af, vrygestel.<\/p>\n
Hy het die Weste daarvan beskuldig dat hulle “oorlog, bloedvergieting, aggressie, terreur en intimidasie” in die Midde-Ooste saai en na die oorlo\u00eb in Irak en Afghanistan verwys.<\/p>\n
“Hoe kan misdade van die besetters teen kwesbare vroue en kinders en die vernietiging van hulle huise, plase, hospitale en skole so onvoorwaardelik deur sekere regerings ondersteun word?”<\/p>\n
Die Iranse leier het ges\u00ea dit is tyd vir die w\u00eareld om te reageer.<\/p>\n
“Dit is nie meer aanvaarbaar dat ‘n klein minderheid die politiek, ekonomie en kultuur van groot dele van die w\u00eareld oorheers met hulle ingewikklede netwerke en ‘n nuwe soort slawerny bedryf nie, en die reputasie van ander volke kwaad aandoen, selfs Europese volke en die VSA, om hulle rassitiese ambisies te volvoer nie.”<\/p>\n
\u00a0<\/p>\n