Suid-Afrika se voorlopige vroue 800m wêreldkampioen Caster Semenya het onttrek uit 'n wedren waaraan die atleet Saterdag moes deelneem.<\/p>\n
Volgens haar afrigter, Michael Seme, "voel sy nie lekker nie". <\/p>\n
Suid-Afrika het die internasionale mediaberigte oor die 18-jarige se tweeslagtigheid as 'n miskenning van die tiener se privaatheid veroordeel en het met 'n "derde wêreldoorlog" gedreig as die atleet gediskwalifiseer sou word. <\/p>\n
Makhenkesi Stofile, minister van sport en ontspanning, het Vrydag op ’n mediakonferensie in Pretoria met oorlog gedreig en gesê Semenya se menseregte word geskend.<\/p>\n
Stofile het gesê hy het met “skok en afsku” kennis geneem van berigte in Australiese koerante waarin beweer is Semenya is hermafrodities.<\/p>\n
Die ANC het ’n internasionale regsfirma opdrag gegee om Semenya se saak te veg.<\/p>\n
Nadat Semenya verlede maand in Berlyn lag-lag 'n goue medalje losgehardloop het, het haar manlike liggaamsbou vrae oor haar geslag laat ontstaan. Geslagstoetse het getoon dat haar testosteroonvlakke veel hoër is as wat vroue normaalweg toon.<\/p>\n
Atletiek Suid-Afrika (ASA) het vóór Caster Semenya se vertrek na die Wêreld-atletiekbyeenkoms in Duitsland reeds geweet dat sy ’n mediese toestand het wat haar prestasie in die gedrang sou kon bring, het Beeld berig.<\/p>\n
Die tweeslagtige atleet het in opdrag van ’n ASA-beampte op 7 Augustus in die Medforum-hospitaal in Pretoria glo reeds ’n geslagstoets ondergaan.<\/p>\n
Volgens Beeld het dr. Harold Adams, ASA se spandokter wat glo teenwoordig was toe die toets in Pretoria gedoen is, kort voor die Wêreldbyeenkoms in Berlyn aanbeveel dat Leonard Chuene, president van ASA, Semenya liewer aan die byeenkoms onttrek.<\/p>\n
ASA ontken dat so ’n toets gedoen is.<\/p>\n
Semenya het intussen al haar verpligtinge en onderhoude gekanselleer en ontvang glo traumaberading. <\/p>\n