Twee voedselkettingwinkels is in Durban geplunder, oënskynlik uit protes teen hoë kospryse. Die woedende plunderaars het selfs die braaihoender en pasteie nie ontsien nie, berig Beeld.<\/p>\n
Kaptein Khephu Ndlovu, polisiewoordvoerder, het gesê lede van die SA Unemployed People’s Movement het “hulself aan verskeie kositems gehelp, blykbaar uit protes teen die hoë kospryse”.<\/p>\n
Veiligheidswagte wat probeer keer het, is met wapens gedreig. Die winkeldeure is daarna toegemaak en klante en plunderaars is in die winkel toegesluit.<\/p>\n
Die polisie was egter binne enkele minute op die toneel en 'n 100 mense is by ’n Shoprite Checkers-winkel en ’n Pick n Pay in hegtenis geneem.<\/p>\n
Ndlovu het gesê 15 mans en 35 vroue is in hegtenis geneem in die Shoprite Checkers en 50 mense by die Pick n Pay in die Workshop-winkelsentrum.<\/p>\n
Die Shoprite-groep het gesê hulle gaan die betrokkenes beslis vervolg.<\/p>\n
Betogers het later buite Durban se sentrale polisiekantoor bymekaargekom om te eis dat die plunderaars vrygelaat word, maar is verjaag.<\/p>\n