Die Iranse minister van binnelandse sake het die CIA daarvan beskuldig dat dié Amerikaanse spioenasieagentskap help om oproermakers te finansier.<\/p>\n
“Baie van die oproermakers was in kontak met Amerika, die CIA en die MKO en word deur hul finansiële bronne gesteun,” het Sadeq Mahsouli gesê. Die MKO (Moedjahideen Khalq-organisasie) is ’n Iranse opposisiegroep wat in ballingskap is.<\/p>\n
“Brittanje, Amerika en die Sionistiese regime (Israel) is agter die onlangse onrus in Teheran,” het hy aan die semi-amptelike nuusagentskap Fars gesê.<\/p>\n
Fars het berig dat die polisie gister bevestig het dat 'n Iranse vrou Neda Agha-Soltan verlede week gedurende die betogings in Teheran doodgeskiet is en gesê dat nuwe leidrade oor haar dood opgevolg word. Sy is per ongeluk in die agterkop geskiet.<\/p>\n
Agha-Soltan se dood, wat op kamera vasgelê is en op die internet uitgesaai is, het haar ’n martelaar vir die protesbeweging gemaak.<\/p>\n
Die verslane presidentskandidaat Mir Hossein Mousavi, wat deur sekere buitelandse moondhede voorgehou word as die eintlike wenner van die verkiesing, het homself intussen gedistansieer van die betogers.<\/p>\n
Hy het op sy amptelike webwerf aangekondig dat hy dit nie teenkanting ondersteun nie en dat die betogings nie deur hom georganiseer is nie.<\/p>\n
Die aantal betogers in Teheran het sigbaar afgeneem.<\/p>\n
Mohsen Rezaie, die konserwatiewe kandidaat wat derde gekom het in die afgelope verkiesing, het ook intussen sy besware teen die uitslag teruggetrek. <\/p>\n
Hy het aan die IRNA-nuusagentskap gesê dit is sy verantwoordelikheid om die huidige gebeure onder beheer te bring <\/p>\n
<\/p>\n
<\/p>\n