’n Woordvoerder van die Palestynse leier, Mahmoud Abbas, het gesê Israel is besig om die vredespogings te saboteer.<\/p>\n
Die Israelse premier, mnr. Benjamin Netanyahu, het gister geëis dat Jerusalem die uitsluitlike hoofstad van Israel moet wees en dat Palestynse vlugtelinge nie in die land toegelaat behoort te word nie.<\/p>\n
’n Woordvoerder van Abbas het verklaar dat Netanyahu se standpunt “alle inisiatiewe gesaboteer het, alle pogings vir vrede verlam het”.<\/p>\n
“Die vredesproses beweeg teen ’n slakkepas. “Netanyahu het vanaand in sy dop teruggetrek,” het mnr. Saeb Erekat, ’n onderhandelaar, gesê.<\/p>\n
Die Europese Unie (EU) se kommissaris vir buitelandse beleid, Javier Solana, het ’n beroep op Israel gedoen om veiligheid deur vrede te soek.<\/p>\n
Hy het ook gewaarsku dat toekomstige gesprekke met die EU afhang van “Israel se gedrag”.<\/p>\n
“Dit is belangrik om Israel te oortuig dat vrede ’n beter waarborg vir sy veiligheid sal wees.<\/p>\n
“Ek dink president Barack Obama het dit duidelik gestel in sy ontmoeting met die Israelse premier, mnr. Benjamin Netanyahu, in Washington,” het Solana hier aan verslaggewers gesê.<\/p>\n
Obama is sedert sy beëdiging in Januarie op soek na maniere om die vredesamesprekinge weer aan die gang te kry. Sy gesant, George Mitchell, het pas deur die Midde-Ooste getoer en Amerika se steun vir ’n tweestaat-oplossing herbevestig.<\/p>\n
“Die EU volg tans ’n soortgelyke proses[as die VSA],” het Solana ná sy gesprek met Egipte se president en sy minister van buitelandse sake gesê.<\/p>\n
Na verwagting sal Israel nie hierdie oplossing sal steun nie.