{"id":47775,"date":"2021-01-11T15:18:13","date_gmt":"2021-01-11T13:18:13","guid":{"rendered":"http:\/\/praag.co.za\/?p=47775"},"modified":"2021-01-11T15:18:13","modified_gmt":"2021-01-11T13:18:13","slug":"tim-arrie-en-die-trump-offensief","status":"publish","type":"post","link":"https:\/\/praag.co.za\/?p=47775","title":{"rendered":"Tim, Arrie en die Trump-offensief"},"content":{"rendered":"

\"\"<\/p>\n

As ons die media dophou van die afgelope paar dae, sien ons dat dit nie net Tim du Plessis is met sy skimprede oor die vermoorde Amerikaanse oorlogsveteraan Ashli Babbitt in die Capitolgebou in Washington nie. Ek ontdek toevallig hierdie artikel<\/a> in die Vrye Weekblad<\/em> wat deur korrespondent Arrie Rossouw geskryf is in die nasleep van die Trump nederlaag in Washington. Ook hierin word \u2018n parallel getrek tussen die vermoorde Amerikaner en die AWB-lede in Bophutatswana.Dit verbaas seker nie, maar sedert die tyd van Max du Preez het die VW<\/em> nog glad nie die geringste moeite gedoen om hulself op die hoogte te stel oor gebeure in die w\u00eareldpolitiek nie. \u00a0Suid-Afrika is totaal vernietig as gevolg van die rampspoedige beleidsrigting wat deur die VW<\/em> gesteun is, en nou is die Verenigde State aan die beurt.<\/p>\n

As ons die Vrye Weekblad<\/em> van een ondeug sou beskuldig, sou dit seker selektiewe verontwaardiging wees. Toe Black Lives Matter enkele maande gelede daardie land op sy knie\u00eb gedwing het, het die w\u00eareld se linkse gekke en dwase hierdie gesien as \u2019n fantastiese daad van solidariteit. BLM was verantwoordelik gewees vir die hoogste skadevergoeding ooit wat deur die versekeraars uitbetaal moes word in die geskiedenis van Amerika (meer as 9\/11 met ander woorde), en almal wat \u2019n ander menig gehuldig het was skielik hul lewens nie meer seker nie. Selfs die All Lives Matter aanhangers het klappe gekry vanuit die ekstreemlinkse hoek, ondanks die feit dat aansienlik baie Black Lives Matter ondersteuners lelieblank was.<\/p>\n

Desnieteenstaande kan ek goed indink hoekom mense gefrustreer wou wees met die verkiesingsuitslae. Daar is meer as genoeg bewys<\/a> dat die verkiesings nie eerlik verloop het nie. Honderde mense het \u2019n be\u00ebdigde verklaring afgel\u00ea waarin hulle onre\u00ebmatighede tydens die stemmetellery gekonstateer het. Op videobeeld sien ons hoe in die middel van die nag \u2019n hele koffer met (Biden) stemme afgegee was by die stemburo\u2019s, terwyl die pro-Republikeinse toesighouers al huistoe gestuur was. Die vensters van \u2019n stemburo in Michigan was met borde toegedek sodat die publiek nie na binne kon kyk nie, terwyl die wetgewing duidelik stel dat dit nie mag gebeur nie. Almal het die reg om te sien hoe stemme getel word. Die ander toesighouers moes vanaf 10 meter afstand met verkykers die tellery dophou terwyl die wet stel dat toesighouers tussen die tellers moet rondloop. Sommige getuies het melding gemaak hoedat Biden stemme tot 24 keer deur dieselfde telmasjien gevoer was om sy syfers kunsmatig te verhoog. In die middel van die nag het die firma wat die stemme tel besluit om hul sagteware \u201cop te waardeer\u201d wat gelei het dat in twee state tegelyk Biden se steun pylreg opgeskiet het om Trump verby te streef. In ander gevalle het argelose burgers na die stemburo\u2019s gegaan om te gaan stem, om dan te verneem dat \u201chulle alreeds gestem het\u201d. In ander gevalle was stemme uitgedeel van mense wat in 1900 gebore was, met ander woorde 120 jaar oud is. \u2019n Vragmotorbestuurder het instruksie gekry om meer as driehonderd duisend stemme van een staat na \u2019n ander te ry om opnuut getel te word.<\/p>\n

Die firma AT&T in Nashville\u00a0 het op die punt gestaan om \u2019n forensiese oudit te doen op die stemme, maar op Kersdag het Biden en sy agterban \u2019n wonderlike geskenk gekry toe hierdie kantoor ewe skielik deur \u2019n bom opgeblaas was. Voor die bomontploffing het daar selfs \u2019n publieke noodoproep uitgegaan dat almal onmiddelik die gebied moes verlaat.<\/p>\n

Dat daar grootskalige genoeiery was met die stemmetellery, en dat selfs die regters in die hooggeregshof die stemme as legitiem beskou het, bewys hoe grootskalig en indringend die korrupsie in Amerika geword het. Dit laat onmiddelik \u2019n liggie brand oor die 1994 eerste groot landelike verkiesings in Suid-Afrika waarin die \u201conafhanklike\u201d verkiesingskommissaris regter Kriegler agteraf aan Jaap Marais toegegee het dat \u2019n \u201cmens kan nie kuis bly in \u2019n bordeel nie\u201d.<\/p>\n

Andersyds is die geloofwaardigheid van \u2019n Biden-oorwinning maar baie gering. Selfs met \u2019n beroemdheid soos Lady Gaga aan sy sy, kon hy nouliks 80 mense na sy kampanjes lok, en nou ewe skielik het hy 81 miljoen stemme gewerf, die hoogste ooit in die geskiedenis van die Verenigde State. Biden het totaal geen charisma nie en is duidelik seniel. Hy kan geen sin klaarmaak sonder om eindeloos te haper en stotter nie, en praat dikwels onsamehangend. In \u2019n ander situasie het hy te midde van \u2019n toespraak van die verhoog afgestap. Selfs na die eerste (en enigste) presidensi\u00eble debat het Biden agteraf gedink dat hy met George Bush gedebateer het, en die dabatfasiliteerder het Trump verbied om vrae oor Biden se seun te stel.<\/p>\n

\u2019n Mens wonder, as Trump so \u2019n golf van teenstand het, hoekom is \u2018n pateet soos Biden die enigste demokratiese kandidaat wat hulle kon kry uit 81 miljoen demokratiese stemmers?<\/p>\n

Ondertussen is Biden nog steeds onderhewig aan \u2019n kriminele ondersoek teen hom vanwee die situasie met sy seun, die crack-rokende pedofiel Hunter Biden. Sonder enige goeie rede sit Hunter op die raad van \u2019n Oekra\u00efense oliebedryf terwyl hy niks van olie af weet nie, en geen kennis van Oekra\u00efene het nie, maar hy verdien wel dollarbedrae met vyf nulle links van die komma. Laat staan nog dat pappa Biden die Oekra\u00efense outoriteite \u2019n miljard dollar omkoopgeld betaal het om \u2019n kriminele ondersoek na sy seun te laat vaar. Toe Trump die Oekra\u00efeners opgebel het om hierdie verhaal te verifieer, wou die demokrate Trump afsit weens magsmisbruik.<\/p>\n

Rossouw meen verder in sy skrywe hoe Trump, die narsistiese psigopaat, met misleiding, leuens en samesweringseorie\u00eb en roekelose leierskap nie aan Biden kon afstaan nie omdat hy blykbaar nie kan vat dat hy die verkiesing verloor het nie.<\/p>\n

Ek wonder of Rossouw homself vergewis het met die skandaal wat ondertussen bekend staan as Obamagate. Met medewete van Biden het Obama destyds vanuit die Withuis willens en wetens Trump se gesprekke in Trump Towers afgeluister in \u2019n poging om sy kampanje te sink. Obama se aangestelde CIA hoof John Brennan het selfs met \u2019n vervalste paspoort na Oekra\u00efene gereis om te sien of hy iets teen Trump kon vind om hom te ondermyn. Sulke aksies vorm \u2019n groter skandaal as Nixon se Watergate, maar word deur die linkse kop-in-een-mus hoofstroommedia onder die mat gevee.<\/p>\n

Ondertussen is Trump se prestasies welbekend:<\/p>\n