![\"Image\"](\"http:\/\/nuus.praag.co.za\/dev\/images\/stories\/cahorabassa.jpg\" "\\"Image\\"")
’n Woordvoerder van die Mosambiekse polisie, Pedro Cossa, het gister gesê 'n Suid-Afrikaner, ’n Duitser, ’n Portugees en ’n burger van Botswana is betrap toe hulle ’n bytmiddel in die elektriese turbines van die Cahora Bassadam wou gooi.<\/p>\n’n Woordvoerder van die Mosambiekse polisie, Pedro Cossa, het gister gesê 'n Suid-Afrikaner, ’n Duitser, ’n Portugees en ’n burger van Botswana is betrap toe hulle ’n bytmiddel in die elektriese turbines van die Cahora Bassadam wou gooi.<\/p>\n
Hy sê die polisie het op 500 kg van die bytmiddel, wat nog nie geïdentifiseer is nie, beslag gelê. Die name van die aangehoudenes is nie bekend gemaak nie.<\/p>\n
Volgens die polisie is die Suid-Afrikaner 21 jaar oud en die Duitser, ’n oudsoldaat, 50 jaar oud. Die Portugese burger is ’n 30-jarige hotelwerker en die burger van Botswana ’n 28-jarige vlieënier.<\/p>\n
Hulle word almal in Tete aangehou en sal na verwagting na Maputo geneem word vir verdere ondervraging. <\/p>\n
Die Cahora Bassadam in die Zambezirivier, verskaf 1 500 megawatt krag aan Suid-Afrika, sowat 4,2% van die land se verbruik, en voorsien ook krag aan Mosambiek en Malawi. <\/p>\n
Die dam is deur die Portugese regering in 1974 gebou en in 2007 aan Mosambiek oorgedra.