Polisie het 4 mense gearresteer in Sutherland, in die Noord-Kaap na die liggaam van ‘n 71-jarige boer gevind is in sy plaashuis naby die dorp, het ‘n polisiewoordvoerder Woensdag gesê.<\/p>\n
Superintendent Hendrik Swart het gesê die arrestasies het gevolg na die ontdekking van Klaas van Wyk se liggaam op die plaas Keerom vroeg Woensdag.<\/p>\n
“Bure van die boer het sy bakkie gevind wat gerol het langs die pad wat van die plaas af na Sutherland toe lei,” het Swart gesê.<\/p>\n
Die polisie is gekontak en beamptes het na die plaas gegaan om ondersoek in te stel.<\/p>\n
Bloed is gevind in die huis en beamptes het van Wyk se liggaam in een van die slaapkamers gevind.<\/p>\n
“Hy het ‘n sigbare nekwond gehad,” het Swart gesê, en bygevoeg dat die huis deursoek is.<\/p>\n
Van Wyk het klaarblyklik alleen gewoon. Plaaswerkers het aan die polisie gesê dat hulle herde gelag gehoor het van die plaashuis af teen omtrent 9 uur Dinsdag aand.<\/p>\n
Swart het gesê vier mense wat in ‘n wit Volkswagen Golf rondgery het is Woensdagoggend gearresteer.<\/p>\n
Hulle sal na verwagting binnekort in die Sutherland landdroshof verskyn op aanklagte van moord.