Met Engeland wat die All Blacks oortuigend met 19-7 in Jokohama verslaan het, is alle o\u00eb nou gerig op m\u00f4re se wedstryd tussen Wallis en die Springbokke. Wallis was eintlik gelukkig om teen die Franse te wen en hoewel die Britse sportskrywers so te s\u00ea klaar Suid-Afrika afgeskryf het, is die kanse goed dat hulle wel m\u00f4re kan wen en kan deurdring na die eindwedstryd wat in dieselfde Internasionale Stadion op 2 November te Jokohama gehou gaan word.<\/p>\n
‘n Element wat egter vrese in Suid-Afrika wakker maak, is nie soseer Wallis nie, maar die Franse skeidsregter, J\u00e9r\u00f4me Garc\u00e8s, wat in die verlede al bevooroordeeld teenoor die Springbokke opgetree het. In vorige wedstryde tussen die Springbokke en die All Blacks het hy openlik vir die Nieu-Seelanders kant gekies. Uit 14 toetse waarin Garc\u00e8s geblaas het, het die Springbokke net vier gewen, ‘n suksessyfer van 29% terwyl hul algehele wensyfer in toetsrugby\u00a0 62% is.<\/p>\n
Garc\u00e8s het ook ‘n rooikaart aan Damian de Allende toegeken in ‘n wedstryd teen die All Blacks in 2017 vir ‘n laatvat op Lima Sopoago. Tydens ‘n app\u00e8lbeslissing n\u00e1 die wedstryd is bevind dat die oortreding nie ‘n rooikaart geregverdig het nie.<\/p>\n
Die veteraan-Springbok en rugbykommentator, Kobus Wiese, het aan ‘n tydskrif ges\u00ea:<\/p>\n
“J\u00e9r\u00f4me is ‘n aangename mens, maar kyk jy na sy rekord, dink ek nie hy is ‘n baie goeie skeidsregter nie. Hy maak baie vreemde beslissings en hy’t sover ook nie ‘n goeie W\u00eareldbeker gehad nie. Ek wonder dus op grond waarvan kwalifiseer hy om nou een van die twee skeidsregters in die semi-finale te wees.”<\/p>\n
Wiese het J\u00e9r\u00f4me Garc\u00e8s as “verskriklik wisselvallig” beskryf, waaronder “sy beslissings by die skrums – wanneer hy strafskoppe daar toeken. Dit lyk half asof hy duim suig\u2026 een vir jou, een vir my. Dit maak net nie sin nie. En hy’s nie al een wat daaraan skuldig is nie.”<\/p>\n