{"id":46353,"date":"2019-03-09T06:51:44","date_gmt":"2019-03-09T04:51:44","guid":{"rendered":"http:\/\/praag.co.za\/?p=46353"},"modified":"2019-03-09T09:52:34","modified_gmt":"2019-03-09T07:52:34","slug":"suidpunt-hoe-ons-meer-europeers-e-a-by-die-afrikaanse-kultuur-kan-betrek","status":"publish","type":"post","link":"https:\/\/praag.co.za\/?p=46353","title":{"rendered":"Suidpunt: Hoe ons meer Europe\u00ebrs e.a. by die Afrikaanse kultuur kan betrek"},"content":{"rendered":"

Nadat ek Dr. Roodt se video gekyk het, dink ek steek daar tog waarheid in om met Europe\u00ebrs sake te doen. Was dit nie immers ‘n Deen wat in 2017 op GoFundMe.com ‘n ruime skenking van \u20ac500 gemaak het, met die pragtige woorde:<\/p>\n

You don\u2019t have to thank me. As a matter of fact I want to thank you, you\u2019re the one doing the actual work. So thank you.”<\/p><\/blockquote>\n

En dit bloot omdat Dr. Roodt ‘n Pro-Afrikaanse toer deur Europa wou maak! Die mikpunt was \u20ac2.000,00 , en baie ander het vurig bygedra (wat juis ‘n bydraende faktor kon wees – veral as iemand spesiaal uit Bloemfontein gery het net om ‘n \u20ac50- en \u20ac70-noot te kom gee).<\/p>\n

Kyk mens egter na Pienaarsig se Animal Rescue (https:\/\/www.gofundme.com\/pienaarsig-animal-rescue<\/a>), wat sedert 25 Julie 2018 gelys is, het niemand tot op datum (2 Maart 2019) ‘n halwe sent daarin gestort nie: ‘n koe\u00eblronde nul. Pienaarsig is ‘n township (lokasie vir die ouer garde) by Nieu-Bethesda. Die mikpunt was ook \u20ac2 000. Vergelyk mens hiermee die \u20ac1,444 wat binne slegs drie dae ingesamel is vir Dr. Roodt, staan jy verstom. Dis ‘n wonderwerk!<\/p>\n

Waarom sal ons met Europe\u00ebrs wil saamwerk?<\/b><\/h3>\n

Maar die Afrikaner stel nie belang in skenkings nie. Hy weet hoe Europe\u00ebrs dink: hulle is bereid om geld voor te skiet, maar, anders as by die Chinese owerheid, soek hulle resultate of sekere kulturele\/maatskaplike aanpassings volgens hulle eie voorwaardes. Self sal die Europe\u00ebrs nie die werk wil doen nie, want hoe sal die Derdew\u00eareldland ooit op sy eie twee bene kan staan? Europa is egter geen engel nie; hy sal eenvoudig sy re\u00ebls verskerp om sy eie landbouers te beskerm, ten koste van Suid-Afrikaanse boere \u2013 of het ek dit nou mis? Die Chinese meng egter nie by die politiek in nie, of so s\u00ea Jeffrey de Visser op Quora:<\/p>\n

While the West are concerned about “developing” Africa, China is actually developing it – they’re building the roads, railways, malls and other such projects with economic value. While the West is concerned about doing things “right” and telling African leaders what they can and cannot do, China doesn’t care about that and leaves the ethical dilemmas where they belong: with Africans. Is China colonising Africa? Definitely not – but the West is definitely trying to keep a finger in the pie, with decreasing levels of success. That provides opportunities for the Chinese.<\/p><\/blockquote>\n

Maar daar is sprake van swak vakmanskap en storting van minderwaardige oorskotprodukte, geen innovering en onoorspronklikheid wat klakkeloos vanaf Japannese bloudrukke gekopieer is, goedkoop invoere wat die eie plaaslike nywerhede laml\u00ea, maar bowenal: van rustof wat vir die geldhulp\/arbeid verruil word. Ek kry onlangs in die pos ‘n koevertjie met Der S\u00fcdafrika-Deutsche<\/i> gedagteken 31 Desember 2018<\/b>. Op die agterkant in die regterhoekie onder sien ek die volgende beriggie:<\/p>\n\n\n\n
Sie S\u00fcdafrikaner wundern sich, \u00fcber die geplante Erh\u00f6hung der Strompreise, ja? Na, lesen Sie:<\/p>\n

7,2 Millionen Tonnen Kohle, die aus Richards Bay Harbor f\u00fcr China bestimmt sind.<\/p>\n

36 chinesische Schiffe warten auf die Ladung von Kohle im Hafen von Richards Bay.<\/p>\n

Wo ist der Mangel jetzt, Eskom?<\/p>\n

Jedes Schiff braucht etwa 36 Stunden um geladen zu werden.<\/p>\n

Durchschnittlich 200.000 Tonnen Kohle pro Schiff.<\/p>\n

Es ist Grad A Anthracit.<\/p>\n

Der Informant sagt auch, dass Eskom \u00fcber riesige Kohlevorr\u00e4tte verf\u00fcgt.<\/p>\n

Wird Bilder senden, sobald sie ankommen.<\/p>\n

(Informationen gesendet als erhalten.)<\/b><\/p>\n

Wir erhalten leider bisher keiner Bilder und keine weiteren Informationen.<\/b><\/p>\n

—-<\/p>\n

Vryelik vertaal:<\/p>\n

As Suid-Afrikaners wonder julle seker oor die beplande elektrisiteitstariefverhoging, nie waar nie? Goed, lees verder:<\/p>\n

7,2 miljoen ton steenkool is vanuit die Hawe van Richardsbaai na China op pad.<\/p>\n

36 Chinese skepe wag in die Richardsbaaise Hawe om volgelaai te word met steenkool.<\/p>\n

Waar is die steenkooltekort nou, Eskom?<\/p>\n

Dit duur omtrent 36 uur om \u2018n enkele skip vol te laai.<\/p>\n

Gemiddeld 200.000 ton steenkool per skip.<\/p>\n

Dit is eersteklas antrasiet.<\/p>\n

Die informant s\u00ea ook dat Eskom oor \u2018n reuse steenkoolvoorraad beskik.<\/p>\n

Sal foto\u2019s stuur, sodra hulle aankom.<\/p>\n

(Inligting verbatim weergegee.)<\/b><\/p>\n

Teen druktyd het ons ongelukkig nog geen verdere beelde of inligting ontvang nie.<\/b><\/td>\n<\/tr>\n<\/tbody>\n<\/table>\n

Fopnuus? Of ‘n rokie waar daar \u2018n veldbrand woed? Die Wahrheit ist irgendwo da Drau\u00dfen.<\/p>\n

Maar, kom ons veronderstel dit is waar. Dan sit die Afrikaner dus tussen twee vure, eintlik drie: aan die een kant het jy \u2018n land met \u2018n rooi vlaggie wat jou hulpbronne soek vir sy eie mense se gewin, aan die anderkant het jy Westerse regerings wat die Afrikaner tot in die grond sal vertrap as dit moet, suiwer om politiek. En dan het jy Rusland, wat jou met ope arms inwag terwyl jou grond braak l\u00ea vir ander om te vat. Eurasiafuture.com voer op 4 Augustus 2018 aan<\/a> Rusland speel \u2018n baie snaakse skaakspel met die Afrikanervraagstuk:<\/p>\n\n\n\n
Russia could gain a lot from this inflow of investment into such a strategic sector as agriculture<\/i><\/a>, especially since it would be driven by people who have decades\u2019 worth of experience putting their skills to use with proven results. Furthermore, Russia\u2019s soft power would skyrocket in the Western countries where Boer awareness campaigns are concentrated, as would the appeal of its immigration-land reform policy that would have been responsible for delivering these farmers from danger. The country would be fulfilling its humanitarian responsibilities and also bringing development to its own people as a result, making this a mutually beneficial approach that couldn\u2019t seemingly be any more perfect.<\/p>\n

Nevertheless, Russia can\u2019t control how other countries, especially its BRICS strategic partner South Africa, view its actions, and Moscow\u2019s assistance to the same Boers whom many Africans loathe might undermine its soft power as it quietly returns<\/i><\/a> to the continent given the perception that millions of people have of them as \u201cracist pigs\u201d. In addition, South Africa would almost surely object to Russia de-facto legitimizing the Boers\u2019 narrative of racist victimization, which could complicate their bilateral relationship even further after last year\u2019s unexpected nuclear deal setback<\/i><\/a> and possibly even provoke Pretoria to take the lead in opposing the recent expansion of Moscow\u2019s influence in Africa depending on how offended it becomes\u201d.<\/p>\n

[\u2026]<\/p>\n

Of course, in winning an important soft power battle among pro-Trump Americans, Russia does not want to alienate South Africa\u2019s government by passively facilitating the narrative that whites are in danger by remaining in South Africa as the section of Andrew Korybko\u2019s analysis from a previous section clearly indicates. The key here is for Russia to support the migration of white South African farmers to Russian soil while simultaneous to this, China can offer assistance to Pretoria in helping black South Africans to cultivate the redistributed land formerly owned by white South Africans.<\/p>\n

This could allow Russia to play the role of \u201chero\u201d in the eyes of the American right, while allowing China (a country largely disliked by the pro-Trump American right), a fellow BRICS partner of both Russia and South Africa to play the role of economic saviour in helping South Africa to develop its agricultural economy in a new era. This itself fits in with China\u2019s goal of expanding BRICS connectivity initiatives throughout Africa<\/a>. As a permanent member of the BRICS, South Africa is as good a place to initiate such an agricultural development scheme as any.<\/td>\n<\/tr>\n<\/tbody>\n<\/table>\n

Ausgefuchst!<\/p>\n

Nou ja, politiek is vuil, en so is mag. Kultuur \u2013 in die besonder, taal \u2013 kan egter \u2018n verlengingstuk van mag wees, of bloot \u2018n simbool. En pleks daarvan om op die bose regerings te fokus, fokus ons eerder op die goedhartige en goedgesinde burgery.<\/p>\n

Dit help egter nie mens maak sakke vol geld deur met oorsese lande ruilhandel te dryf, maar jou eie kultuur gaan ten gronde nie. Dan kan jy netsowel die status quo handhaaf soos wat dit is: supermarkte koop van regoor die w\u00eareld die mees gesogte invoergoedere, maar doen niks in die guns vir Afrikaans nie. Ook nie om die invoer-\/uitvoerland se kultuur te bevorder nie, buiten miskien die Belgiese sjokolade as produk self.<\/p>\n

Gestel jy vra jou Sweedse werkgewers of jy by hulle \u2018n gedrukte Sweedse Bybel kan (oor)koop \u2013 dit is \u2018n vreemde versoek in ‘n hoogs gesekulariseerde land, aangesien jy met e-Sword tot drie vertalings daarvan gratis kan aflaai. En tog s\u00ea dit iets. Op soortgelyke wyse s\u00ea dit ook veel van jou as jy \u2018n Afrikaanse groete- of verjaarsdagkaartjie (maak dit \u2018n Steve Hofmeyr-CD) aan die Europe\u00ebr skenk, byna in dieselfde liga as wat \u2018n Japannees of Koreaan vir jou \u2018n kraanvo\u00ebl-sleutelhouertjie gee. Of as \u2018n Hollander vir jou \u2018n hele pakkie vol egte watertand stroopwafels (\u201c120 stuks\u201d) stuur; daardie hoogs verslawende kaloriegoed moet subiet herdoop word: Hollandse hero\u00efen<\/i>. Jy kry nooit genoeg daarvan nie.<\/p>\n

Jy moet verstaan dat daar in Swede en Holland, nou al jarelank \u2018n \u201cons-het-geen-kultuur\u201d heers, net soos in Kanada (hoe d\u00farf jy s\u00ea Paw Patrol<\/i> is geen kultuur nie?!), waarteen Denemarke vir jare bestand gebly het. \u00a0Ironies genoeg egter van Denemarke is sy koekies wat mens op die supermarkrakke vind, waarop n\u00earens \u2018n enkele woord Deens aangebring is nie. In Denemarke self sal mense jou gou-gou in Engels antwoord as jy probeer Deens praat, want watse nonsens is dit dan di\u00e9? Jy verstaan Engels, ek verstaan Engels, jy vat te lank om \u2018n Deense woord te vind, en eintlik mors jy net ons albei se tyd. So! Die Yslanders, wie se taal selfs die Duitsers (wat vir geen Russies wegskram of stuit nie) beskou as moeilik, is weer te bly as iemand probeer; hulle is maar net 300 000 op \u2018n eensame eilandjie in die Noordsee. Hoe meer siele, hoe meer vreugde.<\/p>\n

Maar, om iemand se taal sonder halfhartigheid te probeer praat [en produkte daarvan koop] wys darem jy gee om vir hul tradisies, jy wil die persone beter leer ken, jy wil jou tyd afstaan om \u2018n taal te leer ken wat jy vir baie jare lank nog sal gebruik vir die oor-en-weer-uitruil van inligting. Jy verwag dus goeie betrekkinge die volgende paar dekades vorentoe. En die Europe\u00ebrs bou op vertroue en sekerheid (en natuurlik wie teen die billikste prys die beste werk kan lewer). En jy wil jou verstaanbaar maak. Die een hand was die ander: die Afrikaner leer Sweeds, die Sweed leer Afrikaans. Oulik. Albei baat daarby.<\/p>\n

So laat ons kyk wat ons aan die saak kan doen om die kloof te dig.<\/p>\n

Duolingo<\/b><\/h3>\n

Die Afrikaanse professore en hoofstroommedia, lyk dit my, ken net een pad. Naamlik Deep Throat<\/i>, dis nou William Mark Felt, se woorde: \u201cfollow the money\u201d. \u00a0Dalk omdat hulle glo geld kan selfs die duiwel laat dans. Fout! Jou gewone mens wat reeds deur die kultuurorganisasies en al wat stelsel ontnugter is (want wat is die afgelope 25 jaar bereik?), het hul voorgeneem om nie \u2018n sent verder uit te gee nie. Die enigste mens wat Jan Intellek vertrou, is homself. Oor goud, het Warren Buffet ges\u00ea: \u201cIt doesn’t do anything but sit there and look at you.\u201d Iemand moet nog steeds die werk doen; geld doen nie die werk nie. Geld is bloot \u2018n wortel voor die neus.<\/p>\n

En wat mens die kwaadste maak: die gebedel bly by \u201cons mense\u201d. \u00a0Daar word g\u00e9\u00e9n moeite gedoen om die mark en afsetgebied uit te brei nie; vir my seker die toppunt van alle onnoselheid. As \u2018n Euro 16 keer harder as 1 Rand kan werk, beteken dit immers jy as Suid-Afrikaner moet 16 keer harder werk om \u2018n Euro te ewenaar. Jy weet voor jou heilige siel die Afrikaner het nie die geld nie. Jy weet mos die bruin mense en die swart mense het nie die geld of noodwendig die belangstelling nie. Die banke bied natuurlik eindelose moontlikhede om daardie probleempies die hoof te bied, maar ook die eindelose rentetjies terugbetaalbaar en \u2018n kontrak wat met die bloedrooi stempel op sy geldmag-Engels s\u00ea: \u201cWe own your ass.\u201d So sit, sit ons. Arme ons. \u00a0Se maai<\/b>: waar daar nie \u2018n mark is nie, sk\u00e9p jy een<\/b>. En waar beter as die buiteland wat by ons elkeen individueel in persoon kom bel\u00ea?<\/p>\n

Ek moet wel byvoeg: uit ervaring verkies die aanleerders om eerder niefiksie in Afrikaans te lees as noodwendig die fiksie. En dit moet ons fokusgebied wees.<\/p>\n

Maar vir die een of ander rede, afgesien van die Woordfees en ander kunstefeeste wat presies dieselfde nut tot markuitbreiding het as prostitusie onder \u2018n brug, moet daar altyd \u2018n webwerf gestig word wat nie, soos PRAAG, met advertensies werk nie, maar borge<\/i>. Daardie borge word dikwels uit Afrikanergeledere leeggemelk \u2013 geld wat op ander maniere aangewend kon word. Advertensies en reklame word ten duurste geloods om aandag te trek op die nuweling wat almal se probleme gaan oplos. Onderhoude op TV en radio volg. \u2018n Hele drama wat uitloop op vier bedrywe: opgang, \u00a0blinken, verzinken, vergeten<\/i>. Later verdwyn die webwerf saggies sonder dat iemand opgemerk het in stilte. Vir die soveelste maal.<\/p>\n

As dit ni\u00e9 borge is nie, dan is dit miskien \u2018n gulde manier waarop belasting weggewerk word, ek praat onder korreksie. Want iets maak nie vir my sin nie!<\/p>\n

Dis asof hierdie groep in \u2018n gebou vasgekeer is. Paniekbevange word ure se moeite ingeploeg, honderde werksure onnodig gesteel, kyk net hoe tap die sweet!, \u2018n tonnel word dwarsdeur die ingevoerde Italiaanse te\u00ebls geboor, dwarsdeur die aardkors tot in China gegrawe\u2026 \u00a0terwyl die kamerdeur se knop net gedraai moes word. Dit was nog heeltyd oop.<\/p>\n

Ek het dit in die verlede ook al te\u00ebgekom: \u201cOns moet nuwe intensiewe vorme bedink! Ons moet nuwe uitdrukkings kry! Ons moet nuwe vergelykings skep!\u201d Al in die rondte, al in die rondte, \u2018n polka, \u2018n salsa, \u2018n briekdans, \u2018n foxtrot. Maak onsself net moeg. Nee, ons moet net mooi niks<\/i>! Jy moet net \u2018n slag jou o\u00eb oopmaak: die werk is reeds vir jou gedoen sedert die Eerste Afrikaanse Taalbeweging. Wat ons wel kort is \u2018n kroniek, \u2018n geskiedenis, \u2018n lys wat reeds gedoen en bereik is. Die antwoord is voor die hand liggend.<\/p>\n

Want my liewe PRAAG-leser: waarom moet die Afrikaner in 2019 altyd van voor af<\/i><\/b> die Groot Trek kaalvoet oor die doringbesaaide Drakensberg deurmaak as daar reeds \u2018n geteerde N1 vol slaggate Lufthansa (net die beste!) is wat funksioneer en jou nie eens \u2018n blou sent kos nie? Neem nou maar Duolingo.<\/p>\n

Duolingo is \u2018n taalaanleerprogram waarin enige taal wat beskikbaar is geleer kan word, vir di\u00e9 wat wil. Dit is gratis, hy het ook sy eie toepassing (apparatus digitalis<\/i>) vir jou foon en ook hulle maak geld met advertensies. Die hele webwerf word in stand gehou deur sy bydraers, die publiek. Jy teken in en kan onmiddellik begin met watter taalkursus jy wil, op jou tyd. Jy vertaal woorde en frases [jy kan kies of jy die woorde wil intik, en of jy die woorde in blokkies wil rondskuif in die regte volgorde], kry terugvoer, maar kan ook vrae vra en kommentaar lewer. Die rekenaar merk elke vraag, voordat jy na die volgende vraag aanpak. Maak jy \u2018n fout, word die vraag aan die einde van die les weer herhaal. Die gemeenskap is baie vriendelik en hulpvaardig, want almal het presies dieselfde doel en elkeen weet iets. Jy kan mense beloon met Lingots, die \u201cgeldeenheid\u201d wat jy met oefeninge verdien, waarmee jy ietsie by die winkel kan koop. Al die grammatika-inligting kan jy ook vooraf gaan kry by https:\/\/duonotes.fandom.com<\/a> . \u00a0Maar die eintlike leerproses is die vrae wat jy of ander tydens die oefeninge (ge)vra (het).<\/p>\n

Die meeste sinne word uitgespreek [net \u2018n paar het robotstem-sinne]. Daar is nie \u2018n taal wat nie onder die 300 000-kerf (taalaanleerders) het nie. \u00a0So, Afrikaans sal oornag \u2018n groot aanhang kry. Miskien nie soveel soos Sweeds (1,07 miljoen) en Hollands (1,31 miljoen) nie, maar tog baie. Deens is na hoeveel jaar steeds by 538 000 aanleerders, en Noors by 785 000 \u2013 die getalle groei maar stadig. Duits staan op 7,13 miljoen aanleerders, Frans op 12,7 miljoen en Spaans op 21,8 miljoen, soos op 2 Maart 2019. Dis steeds meer as wat enige universiteit kan behartig.<\/p>\n

Boonop dag ek Afrikaans is dan so maklik?<\/p>\n

Die enigste paar probleme is die volgende:<\/p>\n

    \n
  1. \u00a0\u00a0\u00a0\u00a0\u00a0\u00a0Die meeste bydraers is anoniem of het skuilname. Vir \u2018n professor wat sy stempeltjie op iets wil afdruk is dit nie baie\u2026 aanloklik nie.<\/li>\n
  2. \u00a0\u00a0\u00a0\u00a0\u00a0\u00a0Die bydraers moet \u00a0duisende sinne en vrae skep om vertaal te word, op stelselmatige wyse. Dit kan nogal tydrowend wees.<\/li>\n<\/ol>\n

    3. \u00a0\u00a0\u00a0\u00a0\u00a0\u00a0Die meeste gebruikers soek hulpbronne. Nou moet ek vir jou s\u00ea die Sweedse aanlynhulpbronne ( https:\/\/forum.duolingo.com\/comment\/5723209<\/a> ) is self nogal beperk, en selfs hul etimologiewoordeboek (bloot \u2018n afgetaste boek!) is vir my nogal nie op die standaard wat etymologiebank.nl<\/a> handhaaf (wat elke liewe Nederlandse en Afrikaanse etimologiewoordeboek se inskrywings bevat) nie. Die goeie nuus is wel dat die Afrikaanse universiteite al hul ou bronne besig is om beskikbaar te stel. Ek het trouens \u2018n lys vakwoordeboeke opgestel, waarvan mens \u2018n paar sommer regstreeks kan gaan besoek. Soos die ou Eskomwoordeboek van 1986 \u2013 jy hoef dus nie meer van \u2018n \u201cinverter\u201d <\/b>te praat nie, maar \u2018n 15-kVa-wisselrigter <\/b>(soos ook opgeneem in die WAT). \u2018n Mens kyk net snaaks na \u201cload shedding\u201d wat destyds die afskuwelike leenvertaling \u201clasafwerping\u201d toebedeel is. Gelukkig het ons vandag die woord \u201cbeurtkrag\u201d [hoewel ek die woord \u201cbeurtwater\u201d nie voor my o\u00eb kan verdra nie \u2013 as mens destyds van \u201cleibeurt\u201d kon praat, waarom vandag nie \u201cwaterbeurt\u201d nie?].<\/p>\n

      \n
    1. \u00a0\u00a0\u00a0\u00a0\u00a0\u00a0Duolingo maak dit ontsettend moeilik om woorde en sinne na Notepad te kopieer, wat vroe\u00ebr nie so was nie. Ek leer frases uit my kop deur vanaf papier te memoriseer of na ou antwoorde te kyk. Deesdae skryf ek die Franse vrae in \u2018n oefeningboek met die hand uit. Die Sweedse kursus tik ek oor.<\/li>\n
    2. \u00a0\u00a0\u00a0\u00a0\u00a0\u00a0Dit hang grootliks van die bydraers af of die sinne nuttig of nutteloos is, sonder om die lesse kurkdroog en vervelig te laat. Soms kry jy onsinnige sinne by die Engelse Duolingo soos \u201c\u00c4pplet \u00e4r under bj\u00f6rnen. \u2013 The apple is under the bear.\u201d Of: \u201cMina f\u00f6r\u00e4ldrar tycker inte om att du \u00e4ter myror. \u2013 My parents do not like that you eat ants.\u201d \u00a0Ander kere weer nogal nuttig: \u201cVargen springer mot renen. \u2013 The wolf runs toward(s) the reindeer.\u201d \u2018n Mens sou miskien \u2018n bietjie meer kultuur in die tekste wou kry, miskien meer frases uit reisgidse of tegniese jargon wat almal gebruik, meer as net die diere soos die elk en die wolf. Die logo van Sweeds op die \u201cLanguage Courses for English Speakers\u201d is die Stadsaal Stockholm met blou agtergrond, terwyl Holland \u2018n Kinderdijkwindmeul is (blou agtergrond) en Duitsland die Brandenburgpoort (swart agtergrond). By Afrikaans sou die Taalmonument die vanselfsprekende keuse wees \u2013 hoewel swart, koraalrooi, kerriegeel, ligblou en olyfgroen die enigste keuse agtergrondkleure is om van te kies. Gewoonlik strook daardie kleur met die vlag van die land waar die taal die meeste gepraat word. Toevallig het die huidige Suid-Afrikaanse vlag al vyf.<\/li>\n
    3. \u00a0\u00a0\u00a0\u00a0\u00a0\u00a0Vir die groter tale, by name Spaans, Portugees, Frans en Duits (https:\/\/stories.duolingo.com\/<\/a> ), is daar 120 luisteroefeninge elk met verhale wat grafies afspeel, waarna jy \u2018n veelkeusevraag moet beantwoord, of woorde invul. Die Duits is vir my lekker, maar die Frans is natuurlik hondmoeilik. Ek sou graag so iets in Afrikaans wou h\u00ea, maar weer\u2026<\/li>\n
    4. \u00a0\u00a0\u00a0\u00a0\u00a0\u00a0Jy sal \u2018n beginselvaste professor of groep mense moet kry wat genadeloos Anglisismes bestry en die Standaardafrikaans hooghou by die Engelse weergawe, anders gaan enige antwoord later reg wees. Maar mens moet nou ook nie so verstok raak dat mens nie die antwoorde toelaat wat op vier verskillende wyses in Engels uitgedruk kan word nie. Jy moet ook onthou dat mens Hollanders en Duitsers en Spanjaarde het wat ook via Engels leer [of mense wat reeds Duits of Hollands magtig is], wat moontlik vrae gaan h\u00ea oor \u201cValse vriende\u201d.<\/li>\n
    5. \u00a0\u00a0\u00a0\u00a0\u00a0\u00a0Dit gebeur elke keer dat dieselfde vraag oor en oor deur gebruikers gestel word, omdat elke vraag sy eie besprekingsblad het. Die bydraers\/moderatore moet bontstaan om hierdie vrae te beantwoord, indien nodig. Manalleen kan niemand alles doen nie. Verder kry jy ook die hansworse wat seks in die sinne wil insien, ens. ens. ens. Soms is dit gewaagd en dubbelsinnig, maar waar die kommentaar t\u00e9 eksplisiet raak (want daar is ook 12-jariges en jonger wat jy daarteen moet beskerm), moet die kommentaar geskrap word.<\/li>\n
    6. \u00a0\u00a0\u00a0\u00a0\u00a0\u00a0Dit is uiters moeilik om die gees van \u2018n taal in Engels aan die gebruikers oor te dra. By die Frans op die Duitse Duolingo word sinne egter dikwels gekies wat maklik in Duits vertaal.<\/li>\n
    7. \u00a0\u00a0Duolingo kan jou net tot op \u2018n punt help. \u2018n Aptytwekker wees. \u2018n Hulpmiddel in \u2018n w\u00eareld waar handboeke peperduur of ontoeganklik is. Ek bedoel, as Navajo, een van die nutteloosste tale daarbuite, behalwe vir die versyfering tydens die Tweede W\u00eareldoorlog, op Duolingo aangebied word, seer sekerlik moet daar vir Afrikaans \u2018n plekkie gegun word. \u00a0Maar ongelukkig is al die doeltale nie in of vir al die tale (waarin geleer word) beskikbaar nie. Latyn vir Engelssprekendes word beoog om 7 Januarie 2020 in Beta-modus geloods te word; iets waaroor ek bitter bly is. Waarom die Duitsers nog nie een op die been gebring het nie, is vir my \u2018n raaisel: dit is tog hul derde geliefdste vreemdetaal naas Engels en Frans.<\/li>\n
    8. \u00a0\u00a0Dit voel my dikwels of ons dieselfde woorde tot in ewigheid gaan gebruik, terwyl Schaum\u2019s Outline Series French Grammar<\/i> deur Mary E. Coffman baie vinniger met mens beweeg, en al die 394 oefeninge van 1973 regtig met elke oefening moeiliker word.<\/li>\n
    9. \u00a0\u00a0Nog \u2018n groot probleem is dat jy nie \u201cvorentoe\u201d kan blaai nie. Jy is op jou vlak (\u201clevel\u201d) vasgevang, totdat jy genoeg oefeninge voltooi het, of \u2018n toets afl\u00ea wat jou tot 22 vlakke vorentoe laat hop.<\/li>\n<\/ol>\n

      As ons ooit \u2018n groot gros mense in aanraking met Afrikaans wil bring, dan moet Duolingo sonder verwyl gebruik word. Onmiddellik. Ek is egter bevrees dat die aanleerder daarna die taal moet oefen met moedertaalsprekers \u2013 of dit nou op Language Exchange is, aan \u2018n penmaat skrywe, of \u2018n tegniese Wikipedia-artikel in die sandput moet aanmekaartimmer, dit kan nie daar gelaat word nie. Maar nou het iemand \u2018n Afrikaanse kernwoordeskat opgebou: wat nou? Wat is volgende? Wat staan hom nou te doen. Dit behandel ek volgende.<\/p>\n

      En hier staan ek nou, voor die groot aansoekvorm: https:\/\/incubator.duolingo.com\/apply<\/a> .<\/p>\n

      Wie sal mens die eer gee om die eerste aansoekvorm in te vul?<\/p>\n

      Vertalings: \u2018n noodsaaklike euwel?<\/h3>\n

      Ek is een van daardie mense wat agterstevoor om werk. Ek het eers uit Duits vertaal, voordat ek Duits werklik leer lees het. Hoe werk dit? Ek het vir my \u2018n Wikipedia-artikel gekry (destyds was ek mal oor luislange, vandag laat die goed my koud) en het op \u2018n dag net daar en dan besluit om hom te vertaal. Ek het my Tr\u00fcmpelmann-woordeboek nadergetrek en elke liewe woordjie nageslaan wat ek nie kon uitmaak nie. Soms moes ek my ou Unabridged Collins ook nadertrek. Ek het my nie gesteur aan die uitgange nie, ook nie die lidwoorde nie. Verder het ek swaar gesteun op \u2018n veeltalige kosmopoliet wat toe nog in Londen gebly het, wat na my vertalings gekyk het. Daarna het nog twee artikels gevolg. \u00a0Ja, ek het destyds ook Google Translate gebruik (soms Duits-Engels, soms Duits-Nederlands). Dit was in die jare voordat ek seker linguee.de<\/a> en reverso.net<\/a> begin raadpleeg het.<\/p>\n

      Onder die vorige hofie het ons reeds gesien werk Duolingo (letterlik twee-taal<\/i>?) op die vertaal-tegniek. \u2018n Woord of sin verskyn \u2013 jy moet vertaal.<\/p>\n

      Dit gaan seker nou simpel klink, maar wat is die nut van vertaling?<\/b><\/p>\n

      Vertalings kan ook boekvorm aanneem, en daaroor wil ek nou gesels. In Rigtingbedonnerd<\/i> (2012:187-188) deur Fred de Vries lees ons die volgende:<\/p>\n\n\n\n
      N\u00e1 ons eerste gesprek het ek gereeld vir Roodt raakgeloop. By \u2018n bekendstelling van sy roman Moltrein<\/i> in Pretoria. By die bekendstelling van Kontrei<\/i> in die Boekehuis in Johannesburg. Die boeke wat sedert 2000 by sy uitgewery, Praag, verskyn het, se voorkoms is eenvoudig maar smaakvol: wit omslag, blou letterwerk, ge\u00ebnt op die ontwerp van die Franse uitgewery Les \u00c9ditions de Minuit. Hy wil die Afrikaners laat kennis maak met w\u00eareldliteratuur, s\u00ea hy. Daarom het hy Un An<\/i> van die Fransman Jean Echenoz vir Praag in Afrikaans laat vertaal, asook Im Krebsgang<\/i> van die Duitser G\u00fcnter Grass.<\/p>\n

      Hy het ook die regte probeer verwerf vir \u2018n Afrikaanse vertaling van JM Coetzee se roman Disgrace<\/i>, maar daar het niks van gekom nie (die boek is later deur Fanie Olivier vir Struik vertaal en uitgegee as In oneer<\/i>). Maar dit is wel tekenend van sy visie dat literatuur, taal en politiek onlosmaaklik aan mekaar verbonde is. Disgrace<\/i> is in Suid-Afrika verguis omdat Coetzee \u2018n pessimistiese beeld van die nuwe Suid-Afrika skets wat indruis teen die idee van \u2018n Re\u00ebnboognasie wat lank popul\u00ear was. \u201cDie boek behandel belangrike kwessies\u201d, s\u00ea Rood in ons tweede gesprek, hierdie keer in die deftige Hyatt Hotel in Rosebank. \u201cDinge soos aanvalle op wit boere en bedenkinge oor die nuwe Suid-Afrika. Die boek kan goed werk in Afrikaans, veral onder die titel \u2018Skande\u2019. Afrikaners het die nuwe bedeling as \u2018n skande ervaar.\u201d<\/td>\n<\/tr>\n<\/tbody>\n<\/table>\n

      Is dit die eerste keer in my lewe dat ek lees van vertaalregte wat geweier<\/b> kan word? Ek besit twee vertalings van Die Ane\u00efs<\/i> in Afrikaans, en niemand het ooit oor die verskillende interpretasies gekla nie. Naomi Morgan (2017\/2018?) \u00e9n Andr\u00e9 P. Brink (1994) \u00e9n J. P. L. Krige (1957) het almal Die klein prinsie <\/i>van Antoine de Saint-Exup\u00e9ry (1943) vertaal of tot verhoogteks verwerk. Goed om te weet, want ek sit met die Hollandse De kleine prins<\/i> op my boekrak, vertaal deur Laetitia de Beaufort-de Hamel in 1951 (die 21ste herdruk<\/b> hiervan in 1994). Skynbaar was haar vertaling vlekkeloos en onverbeterlik, wat eintlik vreemd is as jy dink dat elke stem \u2018n teks anders sal benader. So ook met Disgrace<\/i>.<\/p>\n

      Tot sover het veral Protea-uitgewers en Praag nogal moeite gedoen om Europese boeke te vertaal.<\/p>\n

      My grootste probleem met vertalings<\/b>, om uit te reik na ander volke, is dat dit teenproduktief kan werk<\/b>. As jy byvoorbeeld die Afrikaanse vertaling van \u2018n boek gelees het, waarom sou jy, byvoorbeeld, die Frans wil leer? Dieselfde geld vir Afrikaans ook.<\/p>\n

      As leermetode<\/b>, wanneer jy met die oorspronklike \u00e9n vertaalde uitgawe voor jou sit, kom jy ook nooit in kontak met die oorspronklike doeltaal nie<\/b>. Voor jy jou o\u00eb uitvee, het jy jou so in die taal verdiep waarmee jy reeds gemaklik is, dat jou doeltaal agterwe\u00eb bly, voer Alex Rawlings aan in sy boek, How to speak any language fluently<\/i> (2017:152-153).<\/i><\/p>\n

      My antwoord daarop: Ja en nee.<\/b><\/p>\n

      Ja:<\/b> Dit het weliswaar met my gebeur toe ek Die Stunde des Schakals<\/i> (2010) probeer lees het. In ons biblioteek is die Engelse vertaling (The Hour of the Jackal<\/i>) beskikbaar, wat met die befondsing van die Goethe-Institut vertaal is. Nou sit jy die twee boeke naas mekaar, albei met sy eie liniaaltjie, maar ek het so gekonsentreer op die Engels dat ek nooit by die oorspronklike Duits uitgekom het nie. Albei boeke was egter vir my nuut<\/i>, want ek het nog nie die Engelse teks deurgelees nie.<\/p>\n

      Nee:<\/b> Ek ken The Jungle Book<\/i> en The Second Jungle Book<\/i> tot so \u2018n mate uit my kop (jy kan dit al resiteer!) dat ek hoegenaamd nie meer in die Engelse weergawe belangstel nie. \u00a0Jy konsentreer ook nou hoe die Deense, Afrikaanse en Latynse weergawes klink van The Hobbit<\/i>, self \u2018n voorgeskrewe boek wat ek in Graad 8 (Standerd 6) gehad het. Die eintlike probleem is bv. met Latyn (Hobbitus ille<\/i>) om die woorde van \u2018n sin in boksies te verpak, soos \u201cenkelvoud-manlik-akkusatief-selfstandige naamwoord\u201d en \u201ceerstepersoons-enkelvoud-hede-aktief-indikatief-werkwoord\u201d; om dus die hele taal uitmekaar te haal, wat nogal tydrowend kan wees, al is daar \u2018n briljante webwerf soos https:\/\/www.frag-caesar.de\/<\/a> beskikbaar, of aflaaibare programme soos Legible Latin<\/i>.<\/p>\n

      Vertalings is ook daarvoor berug om nuanses in te boet<\/b> (om die \u201cbetekenis\u201d korrek oor te dra, maar nie met die regte \u201cgevoelswaarde\u201d nie; dink byvoorbeeld aan die barokagtige mooiskrywery teenoor die moderne gebruik van slegs drie woorde); om swak of oorbodige sinne en soms paragrawe weg te laat <\/b>(hulle word dus nooit vertaal nie); en, om weer uit Rawlings op dieselfde bladsye aan te haal wat die leermetode aanbetref: \u201c[\u2026] like doing a Sudoku<\/b> with the answers on the opposite page\u201d.<\/p>\n

      Maar dit weet ek mos, want ek vertaal self in my vrye tyd vir Wikipedia: vertalings mag nie soos vertalings klink nie. Ek stem ook nie met Rawlings saam nie \u2013 waarom kry mens dan \u201cfraseboekies\u201d? Natuurlik gaan jy in die tweetalige Wat en Hoe<\/i>?-taalgidse vir reisigers kyk na \u201cIs er post voor mij?\u201d met die antwoord regs \u201cIst Post f\u00fcr mich da?\u201d Met sulke sinsnedes en vaste uitdrukkings kom jy vinniger aan die gang, selfs sonder grammatikalesse. Dit is donkiewerk om alles uit jou kop te leer, maar dit is gelukkig bruikbaar.<\/p>\n

      Een nut van vertalings is wel dat hulle as modelantwoord kan dien<\/b>, omdat jy waarskynlik in die toekoms weer met dieselfde frase te doene gaan kry, of weer sal gebruik. \u00a0Jy lees Omsingel die laer van die heiliges<\/i> klaar en vergelyk die teks met die oorspronklike. Jy leer dus hoe om gemaklik met die taal om te gaan. Reverso.net<\/b> en Linguee.de<\/b> werk presies dieselfde: jy sien die een frase aan jou linkerkant, jy sien die duidelike nuanseverskille aan jou regterkant afhangend van die konteks, soos oorgedra deur professionele vertalers. Die gesoute vertaler sal wel w\u00e9\u00e9t wat die gemiddelde Afrikaanse leser nie<\/i> weet van die vreemde kultuuragtergrond nie, en daarom kan voetnotas of woordelyste agter geplaas word om die leser beter toe te lig. Laat ek drie voorbeelde aanhaal uit “Probleme opgelewer deur kulturele verskille vir vertalingsekwivalensie in Afrikaans-Russiese, en Russies-Afrikaanse tekste” (Johan Lubbe &Theo du Plessis, 1999:144):<\/p>\n\n\n\n
      In die volgende voorbeeld begaan die vertaler ‘n fout omdat sy nie ingelig is oor die gebruik van die Afrikaners om mekaar se hande te neem terwyl hulle voor die ete God dank nie:<\/p>\n

      ‘Nog iemand kom binne juis wanneer Hattingh vir hom beduie dat hy moet aansit, in dieselfde werkklere as die ander: eers wanneer George sy uitgestrekte hand neem, kan hy in die dowwe lig aan die gelaatstrekke en bewegings uitmaak dat dit ‘n meisie is’ (Schoeman, 1972: 7).<\/p>\n

      […]<\/p>\n

      Die Russiese vertaling van hierdie greep is verkeerd, want die vertaler het nie die situasie reg verstaan nie, en as resultaat het George in die vertaling die meisie se hand geneem terwyl hy haar groet.<\/p>\n

      Die volgende voorbeeld handel eweneens oor ‘n Afrikaanse gewoonte wat in Russies onbekend is:<\/p>\n

      ‘… tant Miemie het van hulle vergeet waar sy oor haar geweekte beskuit sit en slobber en mevrou Hattingh telkens met ‘n nuwe woordestroom in die rede val’ (Schoeman, 1972: 44).<\/p>\n

      […]<\/p>\n

      In Rusland word die gewoonte om jou beskuit of koek, of enigiets in tee of koffe te doop as ‘n teken van slegte opvoeding beskou. Die vertaler het hierdie detail in die vertaling weggelaat, miskien om tant Miemie nie te aanstootlik te laat lyk nie. Hier volg nog ‘n voorbeeld wat aantoon dat die verskil in gewoontes ‘n misverstand kan veroorsaak:<\/p>\n

      ‘Hoe weet hy dit, hoe weet hy hoe sy daar tussen die varings gestaan het, ‘n boerevrou met grys hare, terwyl sy die bediende opdragte gee?’ (Schoeman, 1972: 48).<\/p>\n

      […]<\/p>\n

      In Rusland is daar nie ‘n gewoonte om varings in tuine te plant nie. Hierdie plant kom net in woude voor. Maar in die verhaal handel dit oor ‘n plaas, en die Russiese leser sal miskien nie mooi verstaan hoekom ‘n boervrou op ‘n plaas tussen varings staan nie.<\/td>\n<\/tr>\n<\/tbody>\n<\/table>\n

      Dit kan woordeboeke hoegenaamd nie doen nie, ook nie \u00a0VivA Vertaal<\/i> nie, want daarvoor is die ruimte beperk. Maar woordeboeke is weer baie netjies volgens die alfabet gesorteer, wat beteken jy kan na hartelus self nuwe en vreemde frases stelselmatig uitsoek en deurwerk waarvan jy tot nou toe salig onbewus was, terwyl die bovermelde webwerwe bloot vir jou die vertaling uitskop van die frase waarvan jy reeds bewus is.<\/p>\n

      Die allergrootste voordeel van vertalings? Spoed! <\/b>\u2018n Kind het n\u00f3\u00fa inligting oor die leeu op Wikipedia nodig, want m\u00f4re is die skooltaak se keerdatum; hy sal miskien bereid wees om die Engelse blad deur te lees as die Afrikaanse leesstof nie beskikbaar was nie, maar sodra sy Afrikaanse potlood opgetel word, is vertaling skielik nie meer so maklik nie. As Google Translate nie so lekker na Afrikaans wil vlot nie (soos ons maar alte goed weet!), verloop twee tot vyf uur<\/b> wat hy andersins binne slegs vyf tot vyftien minute<\/b> kon afgehandel het. \u00a0Of, dit word eenvoudig moeder se deurnagwerk.<\/p>\n

      Maar nou sal baie veeltaliges ook vir jou s\u00ea: \u201dEk lees al so gemaklik Frans of Duits of Russies dat ek dikwels \u2018n vertaling onnodig ag \u2013 as ek dit kan doen, kan ander ook mos?\u201d Nou kom die teenantwoord: afgesien van die kulturele geletterdheid, afgesien van die spoed, afgesien van die onkundigheid, hoe sal ander weet watter werke daardie tale te bied het as die leek nooit \u2018n voorsmakie daarvan in sy eie taal gekry het nie?<\/p>\n

      Vraag: moet mens nie liewer die oorspronklike werk koop in stede van die vertaling nie? <\/b>Tot voordeel van die Afrikaans, baat die vertalings die plaaslike uitgewers vir \u2018n kort tydjie (want ons sien, anders as by Laetitia de Beaufort-de Hamel se vertaling van De kleine prins<\/i>, selde, indien ooit, \u2018n herdruk in Afrikaans), voordat iemand maar weer die proses van vooraf moet begin. Dit is hoekom ons sit met die ritse op ritse op ritse boeke wat uit die Frans in die 1960\u2019s en 1970\u2019s in Afrikaans vertaal is<\/a>, maar niemand ooit lees nie, want jy kry dit nie meer nie. \u00a0Die Afrikaanse vertaler van 2019 weet immers sy werk is wat die geld betref ook nie juis lonend nie, en daarom is die vertaling dikwels maar \u2018n liefdeswerkie by \u2018n privaatuitgewer. As mens egter vir die een of ander rede nie \u2018n uitgewer wil rykmaak nie, en in toeganklikheid glo (om die Afrikaanse taal te laat floreer), is daar altyd Wikisource.org wat jou die geleentheid bied om \u2018n vertaling van, byvoorbeeld \u201cDe l\u2019Universalit\u00e9 de la langue fran\u00e7aise\u201d (1784) deur Antoine de Rivarol, of van Markies De Sade se werke, in enige taal oor te sit, ook in Afrikaans. Solank die vertaalde teks net gratis, verniet en toeganklik op Wikisource bly, want wie weet hoeveel internasionale wetgewing jy andersins sou verbreek!<\/p>\n

      Vertalings duur ook dikwels lank <\/b>(omdat die boeke eers laat ontdek word) en teen die tyd wanneer die vertaling verskyn, is die oorspronklike blitsverkoper ou nuus. Om jou \u2018n idee te gee: Ek het Steve Feasey se Changeling: Zombie Dawn<\/i> (uitgegee 2011) \u2018n paar Sondae gelede gelees, en hierdie slotroman van die pentalogie het eers sewe jaar n\u00e1 die oorspronklike publikasiedatum in Denemarke verskyn, getiteld Formskifter:D\u00f8deh\u00e6ren<\/i>. Ek dink nie daar is \u2018n Nederlandse vertaling beskikbaar nie. Aan die ander kant het Prof. Dr. Naomi Morgan se vertaling, Omsingel die laer van die heiliges<\/i> eers 17 jaar n\u00e1 die oorspronklike Le Camp des Saints<\/i> (1973) verskyn, en tog, tot vandag toe, is die werk, net soos Oswald Spengler, steeds brandaktueel \u2013 omdat die prosesse hulself oor en oor en oor herhaal en uitspeel.<\/p>\n

      Ander kere droog die geld op, of daar is weinig belangstelling van die leserspubliek se kant af<\/b>. Ek dink aan Pieter Aspe se boeke waarvan daar drie, vier(? ) vertalings in Afrikaans verskyn het, en toe ook nie weer nie. Wat sou verkeerd geloop het? Weet iemand?<\/p>\n

      Maar hoekom ek deesdae eintlik die oorspronklike werk bo die vertaling verkies is suiwer om simboliese redes.<\/p>\n

      Kyk, op Google Play (se \u201cverkoopstaat<\/a>\u201d) en Amazon.com w\u00e9\u00e9t die verkoper wie die koper is: jou naam en jou nasionaliteit verskyn. Dit wil s\u00ea, jou rekeningnommer verskyn, plus nog \u201cSuid-Afrika\u201d. Dit wys vir die verkoper dat hier wel mense in Suid-Afrika is wat in die boeke belangstel. Hoe meer mense boeke in vreemde tale lees, hoe beter die indruk wat dit skep.<\/p>\n

      Daar bly egter die goue middeweg, naamlik resensies of Wikipedia-opsommings in Afrikaans (byvoorbeeld Schwarzbuch WWF<\/i><\/a> , <\/i>en by Omsingel die laer van die heiliges<\/i><\/a> het ek die oorspronklike taal naas die vertaling in die aanhalings gebruik). Ek het verlede maand by libris.kb.se<\/a> sommer uit ledigheid rondgesoek na boeke oor die Afrikaner in Sweedse biblioteke, en een getiteld Bron \u00f6ver Blood River<\/i> deur Kajsa Norman het met \u2018n skrikwekkende omslag na my gegluur. “Nog ‘n ondermynende boek oor Afrikaners?”, het ek gewonder, en na die volgende blad beweeg. Maar toe ek 28 Februarie op PRAAG soek na die sleutelwoorde “Rian Malan” (wie is hierdie vent? Dalk verlangse familie van die nou swygsame Yvonne Malan?), verskyn Leon Lemmer se resensie reg voor my. Hoewel die resensie nou die Engelse vertaling van Norman se boek behandel, werk dit op dieselfde beginsel: binne vyf tot vyftien minute weet jy die hoofpunte. Die resensie gaan \u00f3f my belangstelling verder prikkel (die oorspronklike weergawe in Sweeds van Leopard F\u00f6rlag is wel op Google Play te koop teen R243,29, aansienlik duurder as die Engelse vertaling – R126,70) om die taal verder te leer (want dalk is daar nog sulke werke waarvan die publiek salig onbewus is), \u00f3f afstoot. Dieselfde sou mens met Vargattacken<\/i> (2018) deur Lars Berge kon doen.<\/p>\n

      Ek stel my veral ten doel om die boeke doelbewus in Afrikaans te resenseer; soms op Goodreads, soms op PRAAG. As die boek nog in geen ander taal vertaal is nie, of jy haal sinne uit die boek aan in sy oorspronklike taal, is dit vir my ‘n bonus. Gou sal die Europe\u00ebrs insien: \u201cHierdie boek word so ver as Suid-Afrika gelees. My magtig, het hy spesiaal so duur betaal net om die oorspronklike Sweeds te lees? Haai, siestog, miskien moet ons prysdiskriminasie [Derdew\u00eareldlande betaal aansienlik goedkoper as eerstew\u00eareldlande] toepas.\u201d Gaaf, goedkoper boeke = groter leesverskeidenheid = kultuuruitbreiding.<\/p>\n

      Ek moet ook byvoeg dat \u2018n jong Fin onlangs by die Afrikaanse Wikipedia \u2018n draai by ons gemaak het. Hy s\u00ea hy verstaan Afrikaans goed, en vir \u2018n tiener is sy Afrikaans ook nie sleg nie, en daarom het ek vir hom \u2018n paar boeke op Google Play aangeraai wat hy kan deurlees (skadelose boeke deur Jaco Jacobs) om die taal verder te oefen. As jy iemand se belangstelling kan prikkel met onderwerpe waarvan hy hou, dan is ons reeds oor die hond se rug. As hy enige vrae het, of vashaak, kan hy ons kontak. Hy hoef nie die boeke te koop nie \u2013 net die voorskou deurlees. So was die een hand die ander.<\/p>\n

      Wikipedia<\/h3>\n

      Reeds op 9 April 2007 skryf Dr. Roodt die volgende<\/a> :<\/p>\n\n\n\n
      Dit is daarom van die uiterste belang dat Afrikaners vir hulle \u2018n gebied in die kuberruim moet afbaken. Ten dele is di\u00e9 proses reeds aan die gang, maar dit moet versnel en verhewig word. Die totale Afrikanergeskiedenis, -kultuur, en -letterkunde behoort vrylik op die internet beskikbaar te wees.<\/p>\n

      Een manier op dit reg te kry, sou wees om die Afrikaanse weergawe van die sogenaamde Wikipedia uit te bou. Laasgenoemde is \u2018n gratis aanlyn-ensiklopedie wat deur vrywillige samewerking in elkeen van die vernaamste tale ter w\u00eareld tot stand gekom het. Tans verkeer die Afrikaanse Wikipedia in die 46ste posisie wat die aantal gepubliseerde artikels daarin betref, dus nie baie hoog op die lys nie. Myns insiens behoort alle bestaande Afrikaanse kultuurorganisasies en akademici saam te werk om so \u2018n Afrikaanse ensiklopedie tot een van die grootstes op die internet uit te bou. Afrikaans kan maklik een van die top twintig Wikipediatale, naas Engels, Duits, Frans, Spaans, ens. word. Afrikaanse boeke waarop daar nie meer kopiereg bestaan nie, behoort ook stelselmatig op die internet opgelaai te word.<\/td>\n<\/tr>\n<\/tbody>\n<\/table>\n

      Dit was twee jaar en vier maande voordat ek self by Wikipedia aangesluit het. \u00a0Slegs in een opsig sal ek met die aanhaling verskil: fokus eerder op die gehalte van die artikels as die hoeveelheid. Die Sweedse artikels is dikwels net vyf sinne, wat die gehalte van die ensiklopedie regtig verswak.<\/p>\n

      Ek gaan nie te veel vanuit die binnekring skryf nie, want dan gaan ek boekdele vul. Sommer puntsgewys hoe dit ons help met die voornemende Afrikaanse aanleerders:<\/p>\n