![\"\"](\"http:\/\/praag.co.za\/wordpress\/wp-content\/uploads\/2018\/09\/H2-voorligte2.jpg\")
<\/a>Ons het die geleentheid gekry om twee van Haval se produkte onder hande te neem. Die modelreeks van Haval bestaan uit vier modelle met \u2018n vyfde wat baie binnekort ook deel van die skietgoed gaan uitmaak. Die reeks begin by die Haval H1 wat as \u2018n minikruisveldvoertuig teen die Toyota Etios Cross, VW Polo Vivo Maxx en Fiat Panda meeding. Dit is eintlik maar net \u2018n klein luikrugmotortjie met swart stroke oor die wielbo\u00eb, dakrelings en \u2018n baie effens ho\u00ebr ryposisie wat di\u00e9 tipe motortjies onderskei van die gewone Etios en Polo Vivo. Die H1 was egter nog tot in 2017 bekend as GWM se eie M4. Op met die modelleer, kry jy die H2 wat in alle opsigte so \u2018n bietjie groter as die H1 is. Die voertuig deel die marksegment met motors soos die Honda BR-V en Toyota Rush. Die volgende model in die Haval-reeks is die H6 wat in die mark teen motors soos die Toyota Rav 4 en Nissan X-Trail meeding. Die H6 C is die volgende op die leer en ding ook mee teen motors soos die VW Tiguan en Mazda CX5.<\/p>\n Die twee modelle waaraan ons gaan aandag gee, is die H2 1,5T Luxury Outo en die H6 C City. Die Haval-modelreeks bestaan uit drie spesifikasievlakke. Die heel goedkoopste vlak met die minste standaardtoerusting is die City, dan die Premium en heel bo-aan die leer, die Luxury-spesifikasie. So in H2-gewaad kon ons die heel luukste weergawe ry en in die geval van die H6 C was die motor die intreevlakmodel in die reeks. Wat die voorkoms van die H2 aanbetref, lyk die motor vir my baie na die vorige generasie Rav4 of Chery Tiggo, net so \u2018n aks groter.<\/p>\n Gemeet teen die Honda BR-V en Toyota Rush wat eintlik die nuwe Daihatsu Terios in ander lande heet, vertoon die H2 meer konserwatief en nie so erg Oosters soos die twee Japanners nie. Teen 4335mm is die H2 12cm korter as die Honda en 10cm korter as die Toyota Rush. Die Honda het egter sewe sitplekke terwyl die Haval en Toyota slegs in 5-sitplekgewaad beskikbaar is.<\/p>\n Wat hoogte aanbetref, staan die H2 sowat 3cm hoer as die BR-V, maar 1cm laer as die Rush op sy wiele. Dit maak die in- en uitklimslag net daardie entjie gemakliker as die ho\u00eb Toyota. Wat skouerruimte binne die drie motors betref, troef die H2 beide die Japanners. In die geval van die Honda is die H2 \u2018n hele 8cm bre\u00ebr en 12cm bre\u00ebr as die Toyota. Wat beenruimte aanbetref, veral vir die agterste passasiers, klop die H2 die Honda, maar is net n\u00e9t knapper as die Toyota Rush. So veral agter meen ons sal insittendes baie meer gemaklik wees in die H2 as in enige van die twee Japanners. Hierdie is al drie gesinswaentjies wat mense en goeters moet kan karwei.<\/p>\n Bougehalte is ook heelwat beter as in beide die Honda en die Toyota en dit word nie aldag van \u2018n Sjinese motor ges\u00ea nie. Die tipe stowwe wat in die binneruim gebruik word, is werklik van \u2018n ho\u00eb gehalte en die motor voel in \u2018n ander klas wanneer dit vergelyk word met die BR-V en die Rush. Die H2 word in Sjina gebou terwyl die Rush uit Indonesi\u00eb kom en die BR-V word in Indi\u00eb gemonteer.<\/p>\n Wat toerustingvlakke aanbetref, is die Honda en die Toyota glad nie op dieselfde vlak nie. Al drie motors is gerieflik toegerus met genoeg veilgheidstoerusting om jou gerus te laat, maar die H2 bied net soveel meer, soos EBD- elektroniese rembeheer en BAS-rembeheer wat die Honda ook bied, maar die Toyota nie. Re\u00ebnsensors wat die ruitve\u00ebrs outomaties aanskakel, is standaard in beide die Honda en die H2 maar nie in die Rush nie. Leerbekleedsel, multifunksiestuurwiel, klimaatbeheer, elektriese verstelling van sitplekke, Bluetooth vir jou slimfoon, trukamera asook \u2018n linkerkantse syspie\u00eblkamera, outomatiese hoofligaanskakelaars, togbeheer om jou spoed op die snelweg te reguleer, ISO-hegstukke vir \u2018n kinderstoeltjie, sleutellose toegang, outomatiese dompfunksie vir die middelste truspie\u00ebl, 6 lugsakke, ABS-remme, allooiwiele, elektroniese skuifsondak, parkeersensors… Daar is ook \u2018n volle noodwiel en nie een van die dun beskuitjiewieletjies nie.<\/p>\n Wat die enjin aanbetref, word die H2 deur \u2018n 1,5-liter- turbopetrolenjin aangedryf. Die enjin is gekoppel aan \u2018n 6-spoed- outomatiese ratkas en dryf die voorwiele aan. Kraglewering is 105 Kw en 202 Nm se wringkrag. Vergelyk dit met die 88Kw van die Honda en 77Kw van die Toyota en dit word gou duidelik watter een van die drie motors mense en bagasie die gemaklikste kan vervoer, veral hier aan die Ho\u00ebveld. Teen 145Nm vir die BR-V en 135Nm vir die Rush voel die H2 in \u2018n ander klas. Voeg nou die 5-jaar-100 000km-waarborg by en 5-jaardiensplan met 5jaar padbystand en hierdie Sjinees klink al hoe beter.<\/p>\n Wat die prys aanbetref, kry jy na ons mening nogal baie waarde vir die R314 900 wat die H2 jou gaan kos. Vergelyk dit met die Honda se R299 900 en die Toyota se R313 500 dan lyk die prentjie nog beter.<\/p>\n<\/a><\/a><\/a><\/a><\/a>Haval H2 1.5T Luxury Outomaties<\/h4>\n